Shooting Gold Medal 2023 : नेमबाजीतील सागर भार्गवला सुवर्णपदक

Shooting Gold Medal 2023 : पणजी, गोव्यातील ३७व्या राष्ट्रीय क्रीडा स्पर्धेत नेमबाजीतील पहिले सुवर्णपदक जिंकण्याचा मान हरियानाच्या सागर भार्गव याने प्राप्त केला.

त्याने १० मीटर एअर पिस्तुल प्रकारात अव्वल कामगिरी साधताना आपला राज्यसहकारी आणि पॅरिस ऑलिंपिकसाठी कोटा मिळविलेला सरबज्योत सिंग याच्यावर मात केली.

शूटऑफमध्ये सागरने १०.२ शॉटची, तर सरबज्योतने ९.३ शॉटची नोंद केली. २४ शॉटच्या अंतिम लढतीत हरियानाच्या दोन्ही खेळाडूंत २३८.८ गुणांची बरोबरी झाली होती.

सेनादलाच्या सुभाष सिहाग याला २१७.३ गुणांसह ब्राँझपदक मिळाले. स्पर्धेला शुक्रवारपासून मांद्रे येथील शूटिंग रेंजवर सुरवात झाली.