Shoaib Malik Major Milestone T20 Cricket: पाकिस्तानचा स्टार क्रिकेटर शोएब मलिकच्या तिसऱ्या लग्नाची चर्चा आज (20 जानेवारी) सकाळपासूनच सुरु आहे. शोएबने भारतीय टेनिस स्टार सानिया मिर्झापासून विभक्त होऊन पाकिस्तानी अभिनेत्री सना जावेदशी लग्न केले. दिवसभर शोएब मलिकचे लग्न, सानिया मिर्झाशी झालेला घटस्फोट, सगळे काही सोशल मीडियावर व्हायरल होऊ लागले. माध्यमांमध्ये वेगवेगळ्या गोष्टी घडत असताना, दिवसअखेरीस शोएब मलिकने क्रिकेटच्या मैदानावरही मोठी कामगिरी केली. तिसरे लग्न आणि सानिया मिर्झापासून वेगळे झाल्यानंतर त्याने T20 क्रिकेटमध्ये इतिहास रचला.
दरम्यान, शोएब मलिकने शनिवारी सकाळीच त्याच्या लग्नाचा फोटो शेअर केला होता. दुपारी तो बांगलादेश प्रीमियर लीगमध्ये खेळताना दिसला. येथे त्याने फॉर्च्युन बारीशाल संघासाठी उपयुक्त योगदान दिले. याशिवाय त्याने टी-20 क्रिकेटमध्येही मोठे पराक्रम गाजवले. या सामन्यापूर्वी त्याच्या नावावर 12993 टी-20 धावा होत्या. या सामन्यात 17 नाबाद धावा करत त्याने 13 हजार टी-20 धावांचा आकडा पार केला. 13 हजार धावा करणारा तो जगातील दुसरा फलंदाज ठरला. त्याच्याआधी फक्त ख्रिस गेलने ही कामगिरी केली आहे.
ख्रिस गेल- 14562 धावा
शोएब मलिक- 13010 धावा
किरॉन पोलार्ड- 12454 धावा
विराट कोहली- 11994 धावा
अॅलेक्स हेल्स- 11807 धावा
डेव्हिड वॉर्नर- 11745 धावा
ॲरोन फिंच- 11458 धावा
रोहित शर्मा- 11156 धावा
शोएब मलिकने सना जावेदसोबत तिसरे लग्न केले आहे. यापूर्वी, त्याने आयशा सिद्दीकी आणि सानिया मिर्झासोबत लग्न केले होते. त्याने 2010 मध्ये आयशाला घटस्फोट दिला आणि सानिया मिर्झाशी लग्न केले. आता तो सानियापासूनही वेगळा झाला आहे. याआगोदरच सानियाने शोएबपासून वेगळे होण्याचा निर्णय घेतला होता. तर गेल्या दीड वर्षांपासून त्यांच्या विभक्त होण्याच्या बातम्या येत होत्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.