India vs New Zealand ODI Series: न्यूझीलंडविरुद्धच्या वनडे मालिकेत भारतीय संघाला चांगली कामगिरी करता आली नाही. पहिल्या एकदिवसीय सामन्यात 300 हून अधिक धावा करुनही भारतीय संघ पराभूत झाला. पहिल्या वनडे गोलंदाजांनी अतिशय खराब कामगिरी केली. त्याचवेळी पावसामुळे दुसरा आणि तिसरा वनडे रद्द करण्यात आला. सामन्यानंतर कर्णधार शिखर धवन म्हणाला की, 'आमची गोलंदाजीची बाजू कमकुवत आहे.' त्याचबरोबर विश्वचषकाच्या तयारीसाठी त्याने मोठे वक्तव्य केले आहे.
धवनने हे वक्तव्य केले
सामन्यानंतर भारतीय कर्णधार शिखर धवन (Shikhar Dhawan) म्हणाला की, 'आम्ही युवा संघ आहोत. नक्कीच, बॉलिंग युनिटकडून अधिक चांगल्या कामगिरीची आपेक्षा आहे. त्यांना गोलंदाजीत जास्त सातत्य ठेवावे लागेल. शॉर्ट आणि बाऊन्सचा जास्त वापर करावा लागेल. या अनुभवांतून युवा गोलंदाज शिकतील.'
एकदिवसीय विश्वचषकाची तयारी सुरु होईल
बांगलादेशमध्ये शिखर धवन कर्णधारपदाची जबाबदारी रोहित शर्माकडे (Rohit Sharma) सोपवणार आहे. विराट कोहली, केएल राहुल आणि मोहम्मद शमीच्या पुनरागमनामुळे, डावखुरा सलामीवीर 2023 च्या एकदिवसीय विश्वचषकाच्या तयारीसाठी लागेल अशी अपेक्षा आहे. सामन्यानंतर धवन म्हणाला की, 'वरिष्ठ खेळाडू बांगलादेशच्या आगामी दौऱ्यावर परततील. विश्वचषक स्पर्धेच्या तयारीनुसार हा अधिक व्यावहारिक दौरा असेल.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
