IPL 2023: गंभीर-रहाणेच्या 'या' यादीत गब्बरची एन्ट्री, लाजिरवाणा रेकॉर्ड केला नावावर!

Shikhar Dhawan Record: इंडियन प्रीमियर लीग 2023 च्या बुधवारी (18 मे) झालेल्या सामन्यात दिल्ली कॅपिटल्सने पंजाब किंग्जचा 15 धावांनी पराभव केला.
Shikhar Dhawan
Shikhar DhawanDainik Gomantak

Shikhar Dhawan Record: इंडियन प्रीमियर लीग 2023 च्या बुधवारी (18 मे) झालेल्या सामन्यात दिल्ली कॅपिटल्सने पंजाब किंग्जचा 15 धावांनी पराभव केला.

मात्र, दिल्ली कॅपिटल्सचा संघ प्लेऑफच्या शर्यतीतून बाहेर असल्याने या विजयाचा फायदा होणार नसून, या पराभवाने पंजाबच्या प्लेऑफमध्ये जाण्याच्या आशांना मोठा धक्का बसला आहे.

या सामन्यात शिखर धवनने असा विक्रम आपल्या नावावर केला, जो कोणत्याही खेळाडूला करायला आवडणार नाही.

धवनने हा लाजिरवाणा रेकॉर्ड आपल्या नावावर केला

या हंगामात पंजाब किंग्जचे (Punjab Kings) कर्णधार असलेला शिखर धवन दिल्ली कॅपिटल्सविरुद्ध खाते न उघडता बाद झाला. यासह, तो सलामीवीर म्हणून आयपीएलमध्ये सर्वाधिक वेळा शून्यावर बाद झालेल्या खेळाडूंच्या यादीत सामील झाला.

धवन ओपनिंग करताना शून्यावर 10 वेळा बाद झाला आहे. या बाबतीत धवनने अजिंक्य रहाणे आणि गौतम गंभीरची बरोबरी केली. हे दोन्ही खेळाडू 10 वेळा खाते न उघडता बाद झाले आहेत, तर पार्थिव पटेल सर्वाधिक 11 वेळा शून्याचा बळी ठरला आहे.

Shikhar Dhawan
IPL 2023 Purple Cap: 64 सामन्यांनंतर पर्पल कॅपचा बादशहा कोण? टॉप 5 मध्ये केवळ 1 विदेशी गोलंदाज

दिल्ली कॅपिटल्सने हा सामना जिंकला

धरमशाला येथे खेळल्या गेलेल्या IPL-2023 च्या या सामन्यात दिल्ली कॅपिटल्सने (Delhi Capitals) पंजाब किंग्जचा 15 धावांनी पराभव केला. या पराभवामुळे पंजाब किंग्ज संघ आयपीएल-2023 मधून बाहेर पडण्याच्या उंबरठ्यावर पोहोचला आहे.

प्लेऑफच्या शर्यतीतून आधीच बाहेर पडलेल्या दिल्ली संघाने निर्धारित 20 षटकांत 2 बाद 213 धावांची मोठी धावसंख्या उभारली. यानंतर पंजाब संघालाही 8 विकेट्सवर 198 धावा करता आल्या.

Shikhar Dhawan
IPL 2023: हम तो डूबे सनम...! DC ने गब्बरच्या संघाची 'नौका' बुडवली; लिव्हिंगस्टोनची खेळी व्यर्थ

पंजाबच्या अडचणी वाढल्या

पंजाब किंग्जच्या या पराभवानंतर अडचणी वाढल्या आहेत. शिखर धवनच्या नेतृत्वाखालील हा संघ आता 10 संघांच्या गुणतालिकेत 8 व्या क्रमांकावर आहे.

पंजाबचे 12 गुण आहेत. 13 सामन्यांत 5 वा विजय नोंदवल्यानंतर दिल्लीचे 10 गुण आहेत. पंजाबला अजून एक सामना बाकी आहे, मात्र तो जिंकूनही हा संघ इतर निकालांवर अवलंबून असेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com