Pakistan Cricket: बाबर आझमला मोठा झटका, शादाब खान बनला टीम पाकिस्तानचा नवा कर्णधार

Shadab Khan: पाकिस्तानी संघाला आता काही दिवसांनंतर अफगाणिस्तानविरुद्ध टी-20 मालिका खेळायची आहे. याआधी एक मोठा बदल करण्यात आला आहे.
Shadab Khan
Shadab KhanDainik Gomantak

Shadab Khan PCB Najam Sethi, Pakistan Cricket: पाकिस्तान क्रिकेटमध्ये मोठी उलथापालथ झाली आहे. पीएसएल म्हणजेच पाकिस्तान सुपर लीग सध्या पाकिस्तानमध्ये खेळली जात आहे आणि जवळपास सर्वच मोठे खेळाडू त्यात सहभागी होत आहेत.

त्याचवेळी, पाकिस्तानी संघाला आता काही दिवसांनंतर अफगाणिस्तानविरुद्ध टी-20 मालिका खेळायची आहे. याआधी एक मोठा बदल करण्यात आला आहे.

आता काही वेळापूर्वीच पीसीबीने शादाब खान (Shadab Khan) संघाचा नवा कर्णधार असल्याची घोषणा केली आहे. कर्णधारासोबतच संघातील 15 सदस्यांची घोषणा करण्यात आली आहे.

पण या संघाची खास बाब म्हणजे बाबर आझम (Babar Azam) आणि मोहम्मद रिझवानसोबत शाहीन शाह आफ्रिदीचे नाव नाही.

Shadab Khan
Babar Azam: जागतिक क्रिकेटवर बाबरचा दबदबा, विराट-रोहितला मागे टाकत रचला इतिहास!

शादाब खान पाकिस्तान संघाची धुरा सांभाळणार आहे

शादाब खान अफगाणिस्तानविरुद्ध संघाची कमान सांभाळताना दिसणार असल्याची घोषणा पीसीबीचे प्रमुख नजम सेठी यांनी केली आहे. पीएसएलमध्ये चांगली कामगिरी करणाऱ्या खेळाडूंना या मालिकेत संधी देण्यात आल्याचेही नजम सेठी म्हणाले.

तसेच, बाबर आझम, मोहम्मद रिझवान आणि शाहीन शाह आफ्रिदी यांना या संघात ठेवण्यात आलेले नाही. या सर्व मोठ्या खेळाडूंना विश्रांती देण्यात आल्याचे सांगण्यात येत आहे. त्यामुळेच कर्णधारपदाची जबाबदारी शादाब खानकडे देण्यात आली आहे.

Shadab Khan
Babar Azam: प्रायव्हेट व्हिडिओ लीक प्रकरणानंतर बाबरचे पहिले ट्वीट, म्हणाला...

दुसरीकडे, शादाब खान गेल्या काही काळापासून पाकिस्तानी संघाचा उपकर्णधार आहे. पीसीबी प्रमुख नजम सेठी यांनी सांगितले की, मोहम्मद युसूफ यांची शारजाह दौऱ्यासाठी संघाचे अंतरिम प्रमुख आणि फलंदाजी प्रशिक्षक म्हणून नियुक्ती करण्यात आली आहे.

त्याचबरोबर, मोहम्मद युसूफ गेल्या वर्षभरापासून फलंदाजी प्रशिक्षक म्हणून काम पाहत आहे. वरिष्ठ खेळाडूंना विश्रांती देण्यामागील कारणे सांगताना मुख्य सिलेक्टर्स हारुन रशीद म्हणाले की, आम्ही मुख्य खेळाडूंना विश्रांती देऊन मानक रोटेशन धोरणाचे पालन केले आहे. उच्च कामगिरी करणाऱ्या देशांतर्गत खेळाडूंना आंतरराष्ट्रीय स्तरावर त्यांची प्रतिभा आणि क्षमता दाखवण्यासाठी संधी दिली आहे.

Shadab Khan
Babar Azam Record: बाबरचा जलवा कायम! रिकी पाँटिंगच्या 17 वर्ष जुन्या विक्रमाशी केली बरोबरी

अफगाणिस्तानविरुद्धच्या टी-20 मालिकेसाठी पाकिस्तानचा संघ: शादाब खान (कर्णधार), अब्दुल्ला शफीक, आझम खान, फहीम अश्रफ, इफ्तिखार अहमद, इहसानुल्लाह, इमाद वसीम, मोहम्मद हरिस, मोहम्मद नवाज, मोहम्मद वसीम जूनियर, नसीम शाह,

सैम अयुब, शान मसूद, तय्यब ताहिर, जमान खान,

राखीव खेळाडू: अबरार अहमद, हसिबुल्लाह आणि उसामा मीर.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com