Football Tournament: गोवा फुटबॉल असोसिएशनच्या (जीएफए) प्रोफेशनल लीग फुटबॉल स्पर्धेत सोमवारी सेझा फुटबॉल अकादमी आणि एफसी गोवा संघाने विजयाचे पूर्ण तीन गुण प्राप्त केले.
दरम्यान, बाणावली येथील मैदानावर सेझा अकादमीने चर्चिल ब्रदर्सला 2-1 फरकाने नमवले. सेझा अकादमीला चैतन दाभोळकरने नवव्या मिनिटास आघाडी मिळवून दिली. नंतर 58 व्या मिनिटास लुनमिनलेन हाओकिप याने चर्चिल ब्रदर्सला बरोबरी साधून दिली. 63 व्या मिनिटास जोशुआ डिसिल्वा याच्या गोलमुळे सेझा अकादमीने पुन्हा आघाडी घेतली आणि शेवटपर्यंत टिकवून ठेवली.
दुसरीकडे, या विजयामुळे त्यांचे आता नऊ सामन्यांतून 16 गुण झाले आहेत. दहा सामने खेळल्यानंतर चर्चिल ब्रदर्सचे 12 गुण कायम राहिले. एला-जुने गोवे येथील मैदानावर रीझव्हन फर्नांडिस याने 40 व्या मिनिटास केलेल्या गोलमुळे एफसी गोवाने कळंगुट असोसिएशनला 1-0 असे निसटते हरवले. विजयामुळे एफसी गोवाचे 16 गुण झाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
