Sara Tendulkar Deepfake Image: महान भारतीय क्रिकेटपटू सचिन तेंडुलकरची लेक सारा तेंडुलकरने सोशल मीडियावर व्हायरल होत असलेल्या डीपफेक फोटोंवर पहिल्यांदाच प्रतिक्रिया दिली आहे. साराने इंस्टाग्राम पोस्टद्वारे आपली प्रतिक्रिया दिली आहे.
नुकत्याच पार पडलेल्या विश्वचषकाच्या वेळी सारा भारताचे सामने पाहण्यासाठी स्टेडियममध्ये उपस्थित होती. गेल्या काही काळापासून सारा तेंडुलकरचे नाव शुभमन गिलसोबत जोडले जात आहे आणि अलीकडेच तिचा गिलसोबतचा डीपफेक फोटोही व्हायरल झाला होता, ज्यामुळे सारा अस्वस्थ दिसत होती.
नुकताच शुभमन गिल आणि सारा तेंडुलकरचा एक फोटो सोशल मीडियावर व्हायरल झाला. या फोटोमध्ये सारा तेंडुलकरने (Sara Tendulkar) शुभमन गिलला मिठीत घेतलेले दिसत आहे. हा एक डीपफेक फोटो होता, जो एआय टूलच्या मदतीने सारा तेंडुलकर आणि अर्जुन तेंडुलकरचा फोटो डीपफेक करुन तयार करण्यात आला होता.
यावरुन बराच गदारोळ झाला होता. आता सारा तेंडुलकरने या डीपफेक फोटोवर आपली प्रतिक्रिया दिली आहे. तिने हे पूर्णपणे चुकीचे असल्याचे म्हटले आहे.
सारा म्हणाली की, 'सोशल मीडिया (Social Media) हे आपल्या सर्वांसाठी आनंद, दुःख आणि दैनंदिन गोष्टींबद्दल व्यक्त होण्याचं एक उत्तम ठिकाण आहे. तथापि, तंत्रज्ञानाचा गैरवापर ही चिंताजनक बाब आहे, कारण ते इंटरनेटची सत्यता आणि प्रामाणिकता हिरावून घेते.
ती पुढे म्हणाले की, मी असे फोटो पाहिले, जे वास्तवापासून खूप दूर आहे. X सोशल मीडिया हँडलवरील काही अकाऊंट्स जे खरे असल्याचा दावा करतात ती खोटी आहेत.
लोकांची दिशाभूल करण्याच्या उद्देशाने अशी अकाऊंट्स तयार करण्यात आली आहेत. माझे X वर कोणतेही अकाऊंट्स नाही आणि मला आशा आहे की X ने अशा अकाऊंट्सवर तात्काळ कारवाई करावी.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.