Sanju Samson Meet Rajinikanth Video: टीम इंडियाचा विकेटकीपर-फलंदाज संजू सॅमसन सोशल मीडियावर नेहमीच सक्रिय असतो. सोशल मिडियावर त्याची प्रचंड फॅन फॉलोइंग देखील आहे.
त्याच्या चाहत्यांसह तो नेहमीच काही ना काही शेअर करत असतो. आता त्याने एक नवा फोटो आणि व्हिडिओ शेअर केला आहे. या व्हिडिओने सोशल मीडियावर चांगलीच धुमाकूळ घातली आहे. संजूने सुपरस्टार रजनीकांतसोबतचा व्हिडिओ शेअर केला आहे. हा व्हिडिओ चाहत्यांना खूपच आवडला असुन चाहते विविध प्रतिक्रिया देत आहेत.
हा फोटो शेअर करत संजूने लिहिले की, “मी रजनीकांतचा चाहता होतो... वयाच्या 7 व्या वर्षी मी माझ्या आई-वडिलांना सांगितले होते की, एके दिवशी मी रजनी सरांना त्यांच्या घरी जावून भेटेन. 21 वर्षांनंतर तो दिवस आला आहे. थलायवाने मला त्यांच्या घरी भेटायला बोलावले आहे.”
ऑस्ट्रेलियाविरुद्धच्या तीन वनडे सामन्यांच्या मालिकेसाठी श्रेयस अय्यरच्या जागी संजू सॅमसनला संघात स्थान मिळू शकते. वनडे मालिका 17 मार्चपासून सुरू होणार आहे.
संजूने शेवटचा वनडे नोव्हेंबर 2022 मध्ये न्यूझीलंडविरुद्ध खेळला होता. श्रेयस अय्यरच्या जागी संजूचा संघात समावेश केला जाऊ शकतो. सुंजने आतापर्यंत एकूण 11 एकदिवसीय सामने खेळले आहेत. ज्यामध्ये त्याने फलंदाजी करताना 66 च्या सरासरीने 330 धावा केल्या आहेत. यामध्ये त्याने 2 अर्धशतके झळकावली आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.