Ryan Campbell Health Updates: कॅम्पबेल मृत्यूच्या मुखातून आला बाहेर; प्रकृती स्थिर

Ryan Campbell Health Updates : नेदरलँड्स पुरुष संघाचे मुख्य प्रशिक्षक आणि ऑस्ट्रेलियाचा माजी यष्टीरक्षक रायन कॅम्पबेल यांना काही दिवसांपूर्वी ICU दाखल करण्यात आले होते. मात्र आता त्यांची प्रकृती स्थिर असून ते शुद्धीवर आले आहेत. आठवडाभरापूर्वी त्यांना हृदयविकाराचा झटका आला होता. ऑस्ट्रेलियन क्रिकेटर्स असोसिएशनने जारी केलेल्या निवेदनात कॅम्पबेलच्या कुटुंबीयांनी त्याच्या प्रकृतीची माहिती दिली. (Ryan Campbell Health Updates)

मृत्यूच्या मुखातून आले बाहेर

निवेदनात म्हटले आहे की, “रॉयल स्टोक युनिव्हर्सिटी हॉस्पिटलमधील उत्कृष्ट कर्मचारी रायन यांना बेशुद्धावस्थेतून वाचवण्यात यशस्वी झाल्याचे कळवताना कुटुंबाला आनंद होत आहे. ते खूप अशक्त वाटत आहेत पण बोलत आहे आणि उत्तरे देत आहे. ते लवकरच पूर्णपणे बरा होईल, अशी आशा डॉक्टरांना आहे.

50 वर्षीय कॅम्पबेल यांना गेल्या आठवड्यात छातीत दुखू लागले आणि श्वास घेण्यास त्रास झाला जेव्हा ते आपल्या कुटुंबासह बाहेर गेले होता.

देशांतर्गत क्रिकेटमध्ये 6000 पेक्षा जास्त धावा

रायन कॅम्पबेल हे वेस्टर्न ऑस्ट्रेलिया क्रिकेटसाठी खेळायचे. त्यांची कारकीर्द 12 वर्षांची होती, त्याने वेस्टर्न ऑस्ट्रेलियासाठी 98 प्रथम श्रेणी सामने खेळले. रायन कॅम्पबेलने वेस्टर्न ऑस्ट्रेलियासाठी 36 च्या सरासरीने 6009 धावा केल्या आहेत. यादरम्यान त्याच्या बॅटमधून 11 शतके झळकली. आंतरराष्ट्रीय सामन्यांमध्ये त्याने 2 एकदिवसीय सामन्यात 54 धावा आणि 3 टी-20 सामन्यात 26 धावा केल्या. कॅम्पबेल यांची जानेवारी 2017 मध्ये नेदरलँड्सच्या प्रशिक्षकपदी नियुक्ती करण्यात आली होती.

कॅम्पबेल ऑस्ट्रेलिया आणि हाँगकाँग या दोन्ही संघांसाठी खेळाडू म्हणून खेळला आहे. कॅम्पबेलने 2002 मध्ये ऑस्ट्रेलिया संघासाठी पदार्पण केले. कॅम्पबेलने ऑस्ट्रेलियासाठी 2 एकदिवसीय सामने खेळले, त्यानंतर तो हाँगकाँग संघाचा भाग झाला. हाँगकाँगने 2017 मध्ये हाँगकाँग संघासाठी पदार्पण केले. 2016 मधील त्यांच्या ICC पुरुष T20 विश्वचषक स्पर्धेत त्याने हाँगकाँगचे प्रतिनिधित्व केले. 44 वर्षे 30 दिवसांनी पदार्पण करणारा तो सर्वात वयस्कर खेळाडू ठरला.