Team India Rishabh Pant: टीम इंडियाचा स्टार फलंदाज ऋषभ पंतचे प्राण वाचवल्याबद्दल हरियाणा रोडवेजचे ड्रायव्हर सुशील कुमार आणि कंडक्टर परमजीत यांना सन्मानित करण्यात आले आहे. प्रजासत्ताक दिनानिमित्त राज्याचे मुख्यमंत्री मनोहर लाल खट्टर यांनी त्यांचा सन्मान केला.
भारतीय क्रिकेट संघाचा यष्टीरक्षक फलंदाज ऋषभ पंत 30 डिसेंबर 2022 रोजी पहाटे उत्तराखंडमधील रुरकी येथे झालेल्या अपघातात गंभीर जखमी झाला. अपघातानंतर चाहत्यांनी ऋषभ पंतला लवकरात लवकर बरे होण्यासाठी शुभेच्छा दिल्या आहेत.
दरम्यान, यमुना नगरमध्ये आयोजित कार्यक्रमात ड्रायव्हर सुशील आणि कंडक्टर परमजीत उपस्थित होते, जिथे मुख्यमंत्री मनोहर लाल खट्टर यांनी त्यांना प्रशंसापत्र देऊन सन्मानित केले. या दोघांना उत्तराखंड (Uttarakhand) सरकारनेही सन्मानित केले आहे. डेहराडूनमध्ये आयोजित कार्यक्रमाला दोघांचे नातेवाईक पोहोचले. जिथे मुख्यमंत्री पुष्कर सिंह धामी यांनी प्रशंसा पत्र देऊन 50-50 हजार रुपये दिले.
दुसरीकडे, पंतने ट्विटरववरुन आपल्या भावना प्रकट केल्या होत्या. ज्यामध्ये तो म्हणाला होता की, 'तुम्ही दिलेल्या शुभेच्छा आणि पाठिंब्यासाठी मी कृतज्ञ आहे. मला तुम्हाला सांगायला आनंद वाटतोय की, माझी शस्त्रक्रिया यशस्वी झाली आहे. आता यातून सावरण्याचा कालावधी सुरु झाला आहे. मी पुढील आव्हानांसाठी सज्ज आहे. बीसीसीआय (BCCI), जय शाह आणि सरकारी अधिकाऱ्यांना अविश्वसनीय पाठिंब्याबद्दल धन्यवाद.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
