Rishabh Pant बनला मिर्झापूरचा 'मुन्ना भैया', गर्लफ्रेंड ईशा नेगीची मजेशीर कमेंट व्हायरल

Rishabh Pant: इंग्लंडविरुद्धच्या तिसऱ्या एकदिवसीय सामन्यात शानदार शतक झळकावणारा भारतीय यष्टीरक्षक फलंदाज ऋषभ पंत चर्चेत आला आहे. त्याने इंस्टाग्रामवर एक फोटो पोस्ट केला आहे. ज्यामध्ये तो खुर्चीजवळ उभा असल्याचे दिसत आहे. या फोटोसोबत कॅप्शनमध्ये ऋषभने मिर्झापूर या वेब सीरिजचा प्रसिद्ध डायलॉग लिहिला आहे. ऋषभ पंतच्या पोस्टवर त्याची गर्लफ्रेंड ईशा नेगीनेही मजेशीर कमेंट केली. ईशाची ही कमेंट चांगलीच व्हायरल होत आहे.

दरम्यान, पंतने फोटोसोबत कॅप्शनमध्ये लिहिले, 'आणि आम्ही एक नवा नियम करत आहोत, जो मिर्झापूरच्या सिंहासनावर बसतो. तो कधीही नियम बदलू शकतो - मुन्ना भैया.'

दुसरीकडे, ऋषभ पंतच्या (Rishabh Pant) पोस्टवर त्याची गर्लफ्रेंड ईशा नेगीने (Isha Negi) मजेशीर कमेंट केली आहे. ईशाने कमेंटमध्ये लिहिले की, 'Nokia 1100. तथापि, त्याने नोकिया 1100 चा उल्लेख का केला हे माहित नाही.'

याआधी, इंग्लंडविरुद्धच्या (England) शेवटच्या एकदिवसीय सामन्यात भारतीय संघाने ऋषभ पंतच्या शतकाच्या जोरावर 2-1 असा विजय मिळवला होता. पंतने या सामन्यात 16 चौकार आणि 2 षटकारांच्या मदतीने नाबाद 125 धावा केल्या. गर्लफ्रेंड ईशा नेगीही या खेळीने खूप खूश होती. तिने पंतच्या मॅच-विनिंग इनिंगचा व्हिडिओ सोशल मीडियावर शेअर केला आणि त्याला 'चॅम्पियन ऋषभ पंत' असे कॅप्शन दिले.