T20 World Cup 2022: दोन वेळा विश्वचषक जिंकणारा कर्णधार रिकी पाँटिंगने ऑक्टोबर-नोव्हेंबरमध्ये होणाऱ्या टी-20 विश्वचषक विजेत्या संघाबाबत भाकीत केले आहे. ऑस्ट्रेलियाचा माजी कर्णधार पॉंन्टिगने दोन संघांच्या नावांचा खुलासा केला आहे. ज्यावर त्याला विश्वास आहे की, ते यावेळी 2022 च्या T20 विश्वचषक स्पर्धेच्या अंतिम फेरीत पोहोचू शकतील. अंतिम फेरीत पोहोचलेल्या दोन संघांपैकी कोणता संघ विजेतेपद पटकावणार हेही त्याने सांगितले आहे.
दरम्यान, आयसीसी रिव्ह्यूमध्ये संजना गणेशनला दिलेल्या मुलाखतीत पॉंन्टिगने सांगितले की, 'भारत आणि ऑस्ट्रेलिया हे दोनच संघ 2022 च्या T20 विश्वचषकाच्या अंतिम फेरीत पोहोचतील.' तो पुढे म्हणाला की, 'या स्पर्धेत ऑस्ट्रेलिया आपल्याकडे असणारे विजेतेपद राखून ठेवण्यात यशस्वी होईल. गेल्या वर्षी यूएईमध्ये खेळल्या गेलेल्या टी-20 विश्वचषकात ऑस्ट्रेलियाने न्यूझीलंडचा पराभव करुन विजेतेपद पटकावले होते.'
तसेच, पॉंन्टिग पुढे म्हणाला की, “मला वाटते की भारत आणि ऑस्ट्रेलिया हे दोन संघ टी-20 विश्वचषक 2022 च्या अंतिम फेरीत आमने सामने येतील. मला एवढेच सांगायचे आहे की, ऑस्ट्रेलियन संघ अंतिम फेरीत भारताचा पराभव करेल.''
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
