विराट कोहलीने कसोटी क्रिकेटचे कर्णधारपद सोडण्याची घोषणा 15 जानेवारी रोजी केली, त्यामुळे कसोटी संघाची कमान कोण सांभाळणार याची चर्चा सुरू आहे. त्यातच भारताचे माजी मुख्य प्रशिक्षक रवी शास्त्री यांनी 'जसप्रीत बुमराहला भारतीय कसोटी संघाचा कर्णधार बनवू नये', असे मत व्यक्त केले. असे म्हटल्या जाते की, रोहित शर्मा हा तिन्ही फॉरमॅटमध्ये टीम इंडियाचे नेतृत्व करेल.
टी-20 आणि एकदिवसीय आंतरराष्ट्रीय संघांचे कर्णधारपद हे रोहितकडे सोपवण्यात आले आहे तर उपकर्णधार पदाची जबाबदारी ही केएल राहुल कडे दिली आहे. कसोटी संघाच्या कर्णधारपदासाठी केएल राहुल, ऋषभ पंत (Rishabh Pant) यांचीही नावे समोर आली आहे तर दुसरीकडे बुमराहने संधी दिल्यास कर्णधारपदासाठी तयार असल्याचेही सांगितले आहे.
शोएब अख्तरसोबत झालेल्या संभाषणात बुमराहला (Jasprit Bumrah) कर्णधारपद सोपवण्याबाबत रवी शास्त्री (Ravi Shastri) म्हणाले की, 'मी याबावत कधीच विचार केला नाही. भारतात कर्णधारपदासाठी आमच्याकडे अनेक पर्याय उपलब्ध आहेत. भारतात वेगवान गोलंदाजाला कर्णधार बनणे कठीण जाईल. एका वेगवान गोलंदाज कर्णधार हा अष्टपैलू असावा किंवा तो बॉब विलिस सारखा असावा.'
दक्षिण आफ्रिकेविरुद्धच्या (South Africa) तीन सामन्यांच्या कसोटी मालिकेतील दुसऱ्या सामन्यात विराट कोहली जखमी झाल्यानंतर केएल राहुलने कर्णधारपद तर जसप्रीत बुमराहला उपकर्णधार बनवले. टीम इंडियाच्या (India) कर्णधारपदावरून 2021 च्या टी-20 विश्वचषकापासूनच वाद सुरूआहे. विराटने सांगितले होते की, T20 विश्वचषकापूर्वीच, मी कर्णधारपदावरून पायउतार होईल पण वनडे आणि कसोटी संघांचे नेतृत्व करत राहील. दक्षिण आफ्रिका दौऱ्यापूर्वी बीसीसीआयने (Bcci) एकदिवसीय संघाचे कर्णधारपद रोहित शर्माकडे सोपवले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
