सनरायझर्स हैदराबाद विरुद्ध राजस्थान रॉयल्स: पुण्यातील महाराष्ट्र क्रिकेट असोसिएशन स्टेडियमवर खेळल्या गेलेल्या आयपीएल 2022 च्या पाचव्या सामन्यात राजस्थान रॉयल्सने सनरायझर्स हैदराबादचा 61 धावांनी पराभव केला. फलंदाजांच्या उत्कृष्ट कामगिरीनंतर गोलंदाजांनीही राजस्थानसाठी आश्चर्यकारक कामगिरी केली. युझवेंद्र चहलने तीन आणि प्रसिद्ध कृष्णाने दोन बळी घेतले. कर्णधार संजू सॅमसनचे झंझावाती अर्धशतक आणि शिमरॉन हेटमायरच्या धडाकेबाज खेळीमुळे राजस्थान रॉयल्सने 20 षटकांत 6 बाद 210 धावा केल्या. (Rajasthan Royals defeated sunrise Hyderabad in IPL 2022)
प्रत्युत्तरात सनरायझर्स हैदराबाद संघाला निर्धारित षटकात अवघ्या 149 धावा करता आल्या. हैदराबादची सुरुवात खूपच खराब झाली, राजस्थानकडून मिळालेल्या 211 धावांच्या लक्ष्याचा पाठलाग करताना हैदराबादची सुरुवात खूपच खराब झाली. कर्णधार केन विल्यमसन आणि अभिषेक शर्मा डावाची सुरुवात करण्यासाठी आले, पण दोघेही सपशेल अपयशी ठरले. विल्यमसनने सात चेंडूंत दोन धावा केल्या तर अभिषेकने 19 चेंडूंत नऊ धावा केल्या. यानंतर तिसऱ्या क्रमांकावर फलंदाजीला आलेला राहुल त्रिपाठी खाते न उघडताच बाद झाला. त्यानंतर लगेचच निकोलस पूरनही शून्यावर पॅव्हेलियनमध्ये परतला. अवघ्या 9 धावांत तीन गडी गमावल्याने हैदराबाद (Hyderabad) संघाला सामन्यात पुनरागमन करता आले नाही.
मात्र, एडन मार्करामने 41 चेंडूत 57, रोमॅरियो शेपर्डने 18 चेंडूत 24 आणि वॉशिंग्टन सुंदरने 14 चेंडूत 40 धावा केल्या. पण या सर्वांमुळे पराभवाचे अंतर कमी होऊ शकले.
संजू सॅमसनने कर्णधारपदाची खेळी जॉस बटलर आणि यशस्वी जैस्वालने राजस्थान रॉयल्सला (Rajasthan Royals) शानदार सुरुवात करून दिली. दोघांनी पहिल्या विकेटसाठी 6.1 षटकात 58 धावा जोडल्या. जैस्वालने 16 चेंडूंत दोन चौकार आणि एका षटकाराच्या मदतीने 20 धावा केल्या. त्याचवेळी बटलरने 28 चेंडूत 35 धावांची खेळी केली. त्याच्या बॅटने तीन चौकार आणि तीन षटकार मारले. यानंतर कर्णधार संजू सॅमसनने तुफानी खेळी केली. त्याने अवघ्या 27 चेंडूत 55 धावा केल्या. यादरम्यान सॅमसनच्या बॅटमधून तीन चौकार आणि पाच षटकार आले. त्याचवेळी शिमरॉन हेटमायरने केवळ 13 चेंडूत 32 धावा करत धावसंख्या 200 च्या पुढे नेली. रियान पराग 9 चेंडूत 12 धावा काढून नाबाद परतला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
