World Cup 2023: यंदाच्या विश्वचषकात दक्षिण आफ्रिकेचा संघ एका वेगळ्याच फॉर्ममध्ये दिसत आहे. संघाचा प्रत्येक खेळाडू सामन्यात आपले 100 टक्के योगदान देत आहे, त्याचाच परिणाम म्हणजे संघाने उपांत्य फेरीत धडक मारली आहे.
फलंदाजीत क्विंटन डी कॉक संघाला केवळ चांगली सुरुवातच देत नाही तर मोठी खेळीही खेळत आहे. फलंदाजीसोबतच डी कॉक यष्टिरक्षणातही संघासाठी शानदार कामगिरी करत आहे. आता डी कॉकच्या नावावर आणखी एक विशेष कामगिरी नोंदवण्यात आली आहे.
दरम्यान, अफगाणिस्तानसोबत (Afghanistan) खेळल्या गेलेल्या सामन्यात क्विंटन डी कॉकच्या नावावर एक खास कामगिरी नोंदवली गेली आहे. या सामन्यात डी कॉकने विकेटच्या मागे 6 झेल घेतले आहेत. आता डी कॉक विश्वचषकाच्या सामन्यात सर्वाधिक झेल घेणारा दक्षिण आफ्रिकेचा यष्टिरक्षक बनला आहे.
डी कॉकच्या आधी, हा पराक्रम संघाचे माजी यष्टिरक्षक मार्क बाउचर आणि मॉर्न व्हॅन विक यांच्या नावावर होता, ज्यांनी विश्वचषकाच्या एका सामन्यात विकेटच्या मागे 4 झेल घेतले होते.
याशिवाय, क्विंटन डी कॉक विश्वचषकाच्या एकाच आवृत्तीत विकेटच्या मागे सर्वाधिक झेल घेणारा जगातील चौथा यष्टिरक्षक बनला आहे. या यादीत ऑस्ट्रेलियाचा (Australia) माजी कर्णधार अॅडम गिरख्रिस्टचे नाव प्रथम येते. ज्याने विश्वचषकाच्या एका आवृत्तीत विकेटच्या मागे 21 झेल घेतले आहेत.
अॅडम गिलख्रिस्ट (वर्ल्ड कप 2003), 21 झेल
टॉम लॅथम (वर्ल्ड कप 2019), 21 झेल
अॅलेक्स कॅरी (वर्ल्ड कप 2019), 20 झेल
क्विंटन डी कॉक (वर्ल्ड कप 2023)*, 19 झेल
कुमार संगकारा (वर्ल्ड कप 2003), 17 झेल
अॅडम गिलख्रिस्ट (वर्ल्ड कप 2007), 17 झेल
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.