Pro Kabaddi League 2023: लिलावाच्या तारखा जाहीर, 500 हून अधिक खेळाडूंचा होणार लिलाव!

Pro Kabaddi League 2023: प्रो कबड्डी लीगच्या दहाव्या हंगामाच्या लिलावाच्या तारखा जाहीर झाल्या आहेत.
Pro Kabaddi League 2023
Pro Kabaddi League 2023Dainik Gomantak

Pro Kabaddi League 2023: प्रो कबड्डी लीगच्या दहाव्या हंगामाच्या लिलावाच्या तारखा जाहीर झाल्या आहेत. जाहीर झालेल्या ताज्या तारखांनुसार, खेळाडूंचा लिलाव 9 आणि 10 ऑक्टोबर रोजी होणार आहे. ज्यामध्ये 500 हून अधिक खेळाडूंवर बोली लावली जाणार आहे.

आशियाई क्रीडा स्पर्धेनंतर लगेचच मुंबईत (Mumbai) हा लिलाव होणार आहे. आशियाई क्रीडा स्पर्धेत चांगली कामगिरी करणाऱ्या खेळाडूंना पीकेएल लिलावात मोठी बोली लागू शकते, असे मानले जात आहे.

वास्तविक, प्रो कबड्डी 2023 लिलाव यापूर्वी 8 आणि 9 सप्टेंबर रोजी होणार होता, परंतु आशियाई स्पर्धांमुळे आयोजकांनी तो पुढे ढकलण्याचा निर्णय घेतला होता. 23 सप्टेंबर ते 8 ऑक्टोबर या कालावधीत आशियाई क्रीडा स्पर्धा होणार आहेत. यानंतर प्रो कबड्डी लीगचा थरार पाहायला मिळणार आहे.

Pro Kabaddi League 2023
Pro Kabaddi League Season 9 हंगामात 500 हून अधिक खेळाडू मैदानात उतरणार, कधी होणार सामने

प्रो कबड्डीच्या लिलावाच्या तारखांची घोषणा करताना कमिश्नर अनुपम गोस्वामी म्हणाले की, 'प्रो कबड्डी 2023 लिलाव आशियाई स्पर्धा 2023 नंतर होणार असून हे कळवताना आम्हाला आनंद होत आहे.

खेळाडूंच्या लिलावासाठी चाहते पूर्णपणे उत्सुक असतील याची आम्हाला खात्री आहे. लिलावात सहभागी होणाऱ्या सर्व संघांकडे खर्च करण्यासाठी 5 कोटी रुपये असतील.'

खेळाडूंची 4 श्रेणींमध्ये विभागणी करण्यात आली आहे

प्रो कबड्डी लीगच्या 10 व्या हंगामातील खेळाडूंच्या लिलावादरम्यान देशी आणि विदेशी खेळाडूंची एकूण चार श्रेणींमध्ये विभागणी केली जाईल. श्रेणी A, B, C आणि D आहेत. श्रेणी A – Rs 30 लाख, B – Rs 20 लाख, C – Rs 13 लाख, D – Rs 9 लाख.

Pro Kabaddi League 2023
Hockey Pro League साठी टीम इंडियाची घोषणा, 'हा' खेळाडू करणार कॅप्टन्सी; कोणाविरुद्ध होणार मॅच जाणून घ्या

सर्वांच्या नजरा या खेळाडूंवर असतील

लिलावादरम्यान पवन कुमार सेहरावत, मोहम्मद नबीबक्श, मनिंदर सिंग, फजल अत्राचली, विजय मलिक, मोहम्मदरेझा शादलू, विकास कंडोला या स्टार खेळाडूंवर बोली लावली जाईल.

प्रो कबड्डी लीगचा इतिहास

प्रो कबड्डी स्पर्धेला 9 वर्षे पूर्ण झाली आहेत. त्याची सुरुवात 2014 साली झाली. आता लवकरच दहावा हंगाम सुरु होणार आहे. ज्यामध्ये एकूण 12 संघ सहभागी होणार आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com