इस्लामाबाद : पाकिस्तानचे माजी कर्णधार आणि पाकिस्तानचे पंतप्रधान इम्रान खान यांनी भारतीय क्रिकेटबाबत मोठं वक्तव्य केलं आहे. पाकिस्तानचे पंतप्रधान आणि माजी क्रिकेट संघाचा कर्णधार इम्रान खान यांचं असं मत आहे की, क्रिकेटसाठी लागणाऱ्या मूलभूत सुविधांमध्ये सुधारणा केल्यामुळे भारत जगातील सर्वोच्च संघांपैकी एक बनला आहे. इम्रान म्हणाले, “पाकिस्तान नेहमीच एक चांगला संघ होता परंतु क्रिकेटची रचना सुधारत नसल्यामुळे तो जागतिक वर्चस्व असणारा संघ होऊ शकला नाही.”
इस्लामाबादमध्ये माध्यमांशी बोलताना इम्रान म्हणाले, "आज भारताकडे पाहा, तो जगातील अव्वल संघ बनत आहेत कारण त्यांच्याकडे पायाभूत सुविधा सुधारल्या आहेत, जरी कौशल्य हे आपल्याकडे अधिक आहे."
INDvsENG : सातत्यपूर्ण फलंदाजी करणाऱ्या रिषभ पंतच्या नावावर झाला अनोखा विक्रम
“एखादी रचना तयार करण्यासाठी आणि कलागुणांना वाव देण्यास वेळ लागतो, पण मला विश्वास आहे की आमचा संघही जगातील अव्वल संघ बनेल”, असं पाकिस्तान क्रिकेट बोर्डाचे मुख्य संरक्षक इम्रान खान म्हणाले. त्यांच्या व्यस्त वेळापत्रकांमुळे खेळायला जास्त वेळ मिळत नसल्याचंदेखील त्यांनी सांगितलं.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
