Virat Kohli And Suryakumar Yadav: पाकिस्तानी पत्रकार अरफा फिरोज जेकने भारत आणि हाँगकाँग यांच्यातील सामन्यानंतर असे ट्विट केले, ज्यामुळे तो भारतीय चाहत्यांच्या निशाण्यावर आला. विराट कोहली आणि सूर्यकुमार यादव यांनी हाँगकाँगविरुद्ध अर्धशतक ठोकले, त्यानंतर बाबर हयातने हाँगकाँगकडून 41 धावांची शानदार खेळी खेळली. फिरोजने ट्विट करत म्हटले की, 'बाबरची खेळी विराट आणि सूर्याच्या खेळीपेक्षा चांगली होती.'
दरम्यान, अरफा फिरोज जेकने ट्विटमध्ये म्हटले की, 'भारताविरुद्ध बाबर हयातच्या 41 धावा विराट कोहलीच्या (Virat Kohli) 59 आणि सूर्यकुमार यादवच्या (Suryakumar Yadav) 68 धावांपेक्षा सरस होत्या. हाँगकाँगच्या (Hong Kong) गोलंदाजीसमोर भारताच्या फलंदाजांनी या धावा केल्या. तर विराट आणि सुर्याने हाँगकाँगच्या गोलंदाजांचा धुव्वा उडवला. विराटने कमकुवत संघाविरुद्ध धावा केल्या असल्या तरी त्याचे नेहमीच कौतुक करणे आवश्यक नाही.' त्यानंतर भारतीय चाहत्यांच्या निशाण्यावर फिरोज आला.
दुसरीकडे, या सामन्याबद्दल बोलायचे झाल्यास, टीम इंडियाने हाँगकाँगविरुद्ध 20 षटकात 2 बाद 192 धावा केल्या. विराट 59 आणि सूर्यकुमार यादव 68 धावा करुन नाबाद परतले. दोघांनी तिसर्‍या विकेटसाठी 98 धावांची भागीदारी केली. प्रत्युत्तरात हाँगकाँगचा संघ 20 षटकांत 5 गड्यांच्या मोबदल्यात 152 धावाच करु शकला आणि भारताने हा सामना 40 धावांनी जिंकला. बाबर हयातने 35 चेंडूत 41 धावांचे योगदान दिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
