NZ-W vs PAK-W: पाकिस्तानने सामना जिंकून रचला इतिहास, न्यूझीलंडच्या भूमीवर पहिल्यांदाच केला 'हा' पराक्रम

Pakistan Women vs New Zealand Women: पाकिस्तानच्या महिला संघाने सुपर ओव्हरमध्ये न्यूझीलंडच्या महिला संघाचा 3 धावांनी पराभव केला. न्यूझीलंडच्या महिला संघाने प्रथम फलंदाजी करताना 251 धावा केल्या होत्या. यानंतर पाकिस्तानी महिला संघाला 50 षटकांत 251 धावा करता आल्या. पण पाकिस्तानच्या महिला संघाने सुपर ओव्हरमध्ये विजय मिळवला. पाकिस्तानी महिला संघाचा न्यूझीलंडच्या भूमीवर वनडेमधला हा पहिला विजय आहे.

न्यूझीलंडची सुरुवात खराब झाली

दरम्यान, न्यूझीलंड महिला संघाकडून अमेलिया केरने सर्वाधिक 77 धावा केल्या. तिच्याशिवाय कर्णधार सोफी डिव्हाईनने 29 आणि मॅडी ग्रीनने 65 धावांचे योगदान दिले. न्यूझीलंडची सुरुवात चांगली झाली नाही. इसाबेल गेज अवघ्या 9 धावा करुन बाद झाली. यानंतर सुजी वेट्सलाही केवळ 24 धावा करता आल्या.

बिस्माह मारुफने तूफानी खेळी खेळली

दुसरीकडे, 252 धावांच्या लक्ष्याचा पाठलाग करणाऱ्या पाकिस्तानी संघासाठी बिस्माह मारुफने शानदार फलंदाजी केली. तिने 68 धावांचे योगदान दिले. आलिया रियाझने 44, कर्णधार फातिमा सनाने 36 धावा केल्या. नतालिया परवेझने 26 धावांचे योगदान दिले. या खेळाडूंमुळेच पाकिस्तानी संघाला बरोबरी साधता आली. बिस्माहला तिच्या या शानदार खेळीसाठी 'प्लेअर ऑफ द मॅच' पुरस्कार मिळाला.

सुपर ओव्हरमध्ये सामना जिंकला

पाकिस्तानी संघाने सुपर ओव्हरमध्ये प्रथम फलंदाजी करताना 11 धावा केल्या. संघाकडून फातिमा सना हिने 31 धावा आणि आलिया रियाझने 8 धावा केल्या. यानंतर, जेव्हा न्यूझीलंडचा महिला संघ सुपर ओव्हरमध्ये फलंदाजीसाठी उतरला. त्यानंतर सादिया इक्बालने पाकिस्तानच्या गोलंदाजीची जबाबदारी घेतली. तिने आपल्या षटकात केवळ 8 धावा दिल्या आणि दोन महत्त्वपूर्ण विकेटही घेतल्या. तिच्या विस्फोटक गोलंदाजीमुळेच पाकिस्तानी संघ सुपर ओव्हरमध्ये सामना जिंकण्यात यशस्वी ठरला.