पणजी: गतवर्षी ऑनलाईन ऑलिंपियाड बुद्धिबळ (Olympiad Chess) स्पर्धेत संयुक्त विजेतेपद मिळविलेल्या भारतीय (India) संघातील स्थान गोव्याची इंटरनॅशनल मास्टर बुद्धिबळपटू भक्ती कुलकर्णी (Bhakti Kulkarni) हिने राखले आहे. यावर्षीही ऑलिंपियाड स्पर्धा ऑनलाईन खेळली जाणार असून स्पर्धेला 15 ऑगस्ट रोजी सुरवात होईल. पाच वेळचा माजी जगज्जेता विश्वनाथन आनंद (Viswanathan Anand) याच्या नेतृत्वाखालील संघ अखिल भारतीय बुद्धिबळ महासंघाने (The All India Chess Federation) जाहीर केला आहे. गतवर्षी भारताने रशियासह संयुक्त विजेतेपद मिळविले होते. या वाटचालीत भारतीय संघाने चीनलाही मागे टाकले होते. भारतीय संघ यंदाही विजेतेपदासाठी दावेदार असेल.
गतवर्षी ऑनलाईन ऑलिंपियाड, तसेच ऑनलाईन आशिया नेशन्स कप स्पर्धेत विजेतेपद मिळविलेल्या भारतीय संघाचे भक्तीने प्रतिनिधित्व केले होते. यंदाही दोन वेळच्या राष्ट्रीय विजेतीने भारतीय संघातील स्थान कायम राखल्याबद्दल गोवा बुद्धिबळ संघटनेचे अध्यक्ष नीलेश काब्राल व सचिव किशोर बांदेकर यांनी भक्तीचे अभिनंदन केले असून तिला स्पर्धेतील कामगिरीसाठी शुभेच्छा दिल्या आहेत. यंदा ऑनलाईन ऑलिंपियाड स्पर्धेत खेळताना भारतीय संघातील सर्व खेळाडू चेन्नई येथील पंचतारांकित हॉटेलमध्ये वास्तव्यास असतील आणि तेथूनच स्पर्धेत खेळतील. इंटरनेट समस्या येऊ नयेत यासाठी भारतीय बुद्धिबळपटूंना त्रिस्तरीय इंटरनेट सुविधा पुरविली जाईल, अशी माहिती बांदेकर यांनी दिली.
ऑनलाईन ऑलिंपियाड बुद्धिबळ स्पर्धेसाठी भारतीय संघ
पुरुष ः विश्वनाथन आनंद, पी. हरिकृष्ण, विदित गुजराथी, बी. अधिबन.
महिला ः कोनरू हंपी, डी. हरिका, तानिया सचदेव, भक्ती कुलकर्णी
ज्युनियर मुलगे ः आर. प्रग्गनंद, निहाल सरीन
ज्युनियर मुली ः आर. वैशाली, सविताश्री
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
