नीरज चोप्रा रुग्णालयात दाखल

टोकियो ऑलिम्पीक (Tokyo Olympics) सुवर्णपदक विजेता नीरज चोप्राला (Neeraj Chopra) ताप येत असल्याने मागच्या काही दिवसांपासुन त्याची प्रकृती ठीक नसल्याचे दिसते आहे. ताप तीव्र असल्याने नीरजला मंगळवारी पानिपतमध्ये त्याचा स्वागत सोहळा मधूनच सोडावा लागला. नीरजला काही दिवसांपूर्वी ताप आला होता पण त्याची कोरोना चाचणी निगेटिव्ह आली होती. मध्यंतरी प्रकृती स्थिर झाल्यानंतर नीरज स्वातंत्र्यदिनाच्या कार्यक्रमात सहभागी झाला होता पण मंगळवारी त्याला रुग्णालयात न्यावे लागले. डॉक्टरांच्या सल्ल्यानंतर त्यांची कोविड-19 देखील चाचणी करण्यात आली होती.

ऑलिम्पिकमध्ये (Olympic) नीरजने सुवर्ण पदकावर यशस्वीरित्या नाव कोरले. भारताने एकूण दोन पदकं जिंकत उत्तम कामगिरी केल्याचे पहायला मिळाले आहे. भालाफेक मध्ये नीरज चोप्राने (Neeraj Chopra) दमदार कामगिरी करत पहिल्याच प्रयत्नात 87.03 अशी उत्तम भालाफेक केली. तर दुसऱ्या प्रयत्नात सुद्धा 87.58 असा विक्रमी भाला फेकला आणि सुवर्ण पदकावर आपले नाव कोरले होते.