Super Cup: सामन्याच्या सुरवातीस एका गोलने पिछाडीवर पडूनही मुंबई सिटी संघ गोव्याच्या चर्चिल ब्रदर्सला भारी ठरला. आयएसएल लीग शिल्ड विजेत्या संघाने सुपर फुटबॉल स्पर्धेत मंगळवारी 2-1 फरकाने विजय नोंदविला.
केरळमधील मांजेरी येथील पय्यनाड स्टेडियमवर सामना झाला. सामन्याच्या भरपाई वेळेस केलेल्या पेनल्टी गोलमुळे मुंबई सिटीने विजयाचे पूर्ण तीन गुण प्राप्त केले. इंज्युरी टाईममधील दुसऱ्या मिनिटास चर्चिल ब्रदर्सच्या खेळाडूने मुंबई सिटीच्या विक्रम प्रताप सिंग याला गोलक्षेत्रात पाडले. त्यानंतर 90+3 व्या मिनिटास लाल्लियानझुआला छांगटे याने स्पॉट किकवरून अचूक नेम साधला.
त्यापूर्वी विश्रांतीला दोन्ही संघ 1-1 असे गोलबरोबरीत होते. सामन्याच्या 27 व्या मिनिटास मुंबई सिटीने बरोबरी साधली. रॉलिन बोर्जिसच्या शानदार चालीवर मेहताब सिंग याचे हेडिंग भेदक ठरले. सामन्याच्या नवव्याच मिनिटास चर्चिल ब्रदर्सने आघाडी घेतली. अन्सुमाना क्रोमा याच्या शानदार गोलमुळे चर्चिल ब्रदर्सला सामन्यात स्वप्नवत सुरवात करता आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
