IPL Auction 2023: शुक्रवारी कोचीमध्ये पार पडलेल्या इंडियन प्रीमियर लीग 2023 लिलावात महागड्या खेळाडूंच्या बाबतीत अनेक विक्रम मोडले गेले. या लिलावात 80 खेळाडूंसाठी 10 फ्रँचायझींनी मिळून तब्बल 167 कोटी रुपये खर्च केले.
या लिलावामध्ये सॅम करन (18.50 कोटी), कॅमेरॉन ग्रीन (17.50 कोटी) आणि बेन स्टोक्स (16.25 कोटी) हे सर्वात महागडे खेळाडू ठरले. हे तिघेही आयपीएल इतिहासातील सर्वात महागडे तीन खेळाडूही ठरले आहेत.
(Most expensive Indian players in IPL Auction 2023)
दरम्यान, या लिलावासाठी सहभागी असलेल्या 405 खेळाडूंमध्ये 273 भारतीय खेळाडू आणि 132 परदेशी खेळाडू होते. त्यातील 51 भारतीय खेळाडूंना आणि 29 परदेशी खेळाडूंना या लिलावात बोली लागली. पण यातील एकाही भारतीय खेळाडूला 10 कोटींपेक्षा अधिक रक्कमेची बोली लागली नाही.
सलामीवीर फलंदाज मयंक अगरवाल आयपीएल 2023 लिलावातील सर्वात महागडा भारतीय खेळाडू ठरला. मयंकसाठी सनरायझर्स हैदराबादने 8.25 कोटी रुपये खर्च केले. तसेच या लिलावात केवळ 7 भारतीय खेळाडूंना कोटींमध्ये बोली लागली आहे. अन्य सर्व खेळाडू लाखांमध्ये विकले गेले आहेत.
आयपीएल 2023 लिलावातील सर्वात महागडे भारतीय खेळाडू -
8.25 कोटी - मयंक अगरवाल (सनरायझर्स हैदराबाद)
6 कोटी - शिवम मावी (गुजरात टायटन्स)
5.50 कोटी - मुकेश कुमार (दिल्ली कॅपिटल्स)
2.60 कोटी - विवरांत शर्मा (सनरायझर्स हैदराबाद)
2.40 कोटी - मनिष पांडे (दिल्ली कॅपिटल्स)
1.80 कोटी - मयंक डागर (सनरायझर्स हैदराबाद)
1.20 कोटी - केएस भरत (गुजरात टायटन्स)
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.