IPL 2023: इंडियन प्रीमियर लीग 2023 च्या दुसऱ्या क्वालिफायरमध्ये गुजरात टायटन्सने शुक्रवारी मुंबई इंडियन्सचा 62 धावांनी पराभव केला. या विजयासह गुजरात टायटन्सने सलग दुसऱ्यांदा आयपीएलच्या अंतिम फेरीत प्रवेश केला आहे.
या सामन्यात शुभमन गिल आणि मोहित शर्मा यांनी शानदार कामगिरी केली. त्याचवेळी, मोहम्मद शमीने 2 विकेट घेत एक मोठा विक्रम केला.
गुजरात टायटन्सचा अनुभवी गोलंदाज मोहम्मद शमी (Mohammed Shami) आयपीएल 2023 मध्ये खूप चर्चेत आहे. त्याने आतापर्यंत खेळलेल्या 16 सामन्यांमध्ये 28 विकेट घेतल्या आहेत. या क्षणी तो पर्पल कॅप धारक देखील आहे. शमी सामन्याच्या सुरुवातीला गोलंदाजी करायला येतो. त्याला पॉवरप्लेमध्ये विकेट्स घेणे आवडते.
दरम्यान, शमीने पॉवरप्लेमध्ये 17 विकेट घेतल्या आहेत. यासह, तो आयपीएलच्या (IPL) इतिहासातील एकाच मोसमात पॉवरप्लेमध्ये सर्वाधिक विकेट घेणारा गोलंदाज बनला आहे. इतर कोणत्याही गोलंदाजाने एका हंगामातील पॉवरप्लेमध्ये यापेक्षा जास्त विकेट घेतलेल्या नाहीत. शमीने ट्रेंट बोल्ट आणि मिचेल जॉन्सनला मागे टाकले आहे.
मोहम्मद शमीने 17 सामन्यात 17 विकेट्स घेतल्या आहेत, तर ट्रेंट बोल्टने 2020 च्या हंगामात मुंबई इंडियन्ससाठी पॉवरप्लेमध्ये 16 विकेट घेतल्या आहेत.
त्याचवेळी, 2013 च्या हंगामात, मिचेल जॉन्सनने एका सत्राच्या पॉवरप्लेमध्ये 16 विकेट घेतल्या होत्या. अशा परिस्थितीत सर्वाधिक विकेट घेण्याचा विक्रम आता शमीच्या नावावर आहे.
1. मोहम्मद शमी - 17 विकेट, वर्ष 2023
2. ट्रेंट बोल्ट - 16 विकेट, वर्ष 2020
3. मिचेल जॉन्सन - 16 विकेट, वर्ष 2013
4 धवल कुलकर्णी - 14 विकेट्स, वर्ष 2016
5. दीपक चहर - 15 विकेट, वर्ष 2019
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.