Mitchell Starc Mehdi Hasan Miraz Fight Video: ऑस्ट्रेलिया आणि बांगलादेश यांच्यात खेळल्या जात असलेल्या पहिल्या कसोटी सामन्यात मैदानावर जबरदस्त हाय-व्होल्टेज ड्रामा पाहायला मिळाला. सामन्याच्या दुसऱ्या दिवशी ऑस्ट्रेलियन वेगवान गोलंदाज मिचेल स्टार्क आणि बांगलादेशचा अष्टपैलू फलंदाज मेहदी हसन मिराज यांच्यात थेट मैदानावरच जोरदार बाचाबाची झाली.
स्टार्कच्या गोलंदाजीवर धाव घेण्याच्या रेषेवरुन दोघांमध्ये ही वादळी चकमक घडली. थेट प्रक्षेपणादरम्यान दोन्ही खेळाडू एकमेकांवर ओरडताना आणि हातवारे करताना दिसल्याने मैदानातील वातावरण काही काळ कमालीचे तापले. अखेर अंपायरने मध्यस्थी करत हा वाद मिटवला. या घटनेचा व्हिडिओ सध्या सोशल मीडियावर प्रचंड व्हायरल होत आहे.
ही घटना दुसऱ्या दिवसाच्या शेवटच्या सत्रात घडली. मिचेल स्टार्क गोलंदाजी करत असताना मेहदी हसन मिराजने फटका मारुन धाव घेण्यासाठी धाव घेतली. याच दरम्यान स्टार्कच्या फॉलोथ्रूच्या रेषेत मिराज आल्यामुळे स्टार्क चांगलाच भडकला. "हा माझा फॉलोथ्रू आहे, मध्ये येऊ नकोस," असे स्टार्कने म्हटले. यावर मिराजनेही मागे न हटता सडेतोड प्रत्युत्तर दिले आणि आपण जाणूनबुजून आडवे आलो नसून ही आपली धावण्याचीच दिशा असल्याचे स्पष्ट केले. दोघांमधील शब्दच्छल वाढत असल्याचे पाहून अंपायरने तात्काळ हस्तक्षेप करत दोन्ही खेळाडूंना शांत केले.
सामन्याच्या स्थितीबद्दल बोलायचे तर बांगलादेशने या कसोटीवर पकड मजबूत केली. नाणेफेक जिंकून पहिल्यांदा फलंदाजी करणाऱ्या ऑस्ट्रेलियन संघाचा पहिला डाव अवघ्या 198 धावांवर आटोपला होता. याला उत्तर देताना बांगलादेशने (Bangladesh) दुसऱ्या दिवसाखेर 6 बाद 351 धावा करत तब्बल 153 धावांची भक्कम आघाडी घेतली. दुसऱ्या दिवसाचा खेळ संपला तेव्हा मेहदी हसन मिराज 32 धावांवर तर हसन मेहमूद 13 धावांवर नाबाद खेळत होते. तिसऱ्या दिवशी पुन्हा एकदा स्टार्क आणि मिराज आमनेसामने येणार असल्याने मैदानावर पुन्हा तणाव दिसणार की बांगलादेश आपली आघाडी आणखी वाढवणार, याकडे सर्वांचे लक्ष लागले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.