Kalyani Bengaluru Blasters: भारताचा स्टार खेळाडू मयंक अग्रवालने शानदार शतक झळकावले आहे. वास्तविक, मयंकने महाराजा ट्रॉफीमध्ये कल्याणी बंगलोर ब्लास्टर्ससाठी अफलातून फलंदाजी केली.
मयंक अग्रवालने (Mayank Agarwal) 57 चेंडूत 105 धावा केल्या. त्याने आपल्या खेळीत 9 चौकार आणि 6 षटकार मारले. म्हैसूर वॉरियर्सविरुद्ध प्रथम फलंदाजी करताना कल्याणी बंगलोर ब्लास्टर्सने 20 षटकांत 4 बाद 212 धावा केल्या होत्या. कल्याणी बंगलोर ब्लास्टर्सकडून मयंक अग्रवाल व्यतिरिक्त डेगा निश्चलने 25 चेंडूत 29 धावा केल्या.
दरम्यान, सूरज आहुजाने 10 चेंडूत 35 धावांची धडाकेबाज खेळी केली. या खेळीत त्याने 1 चौकार आणि 4 षटकार मारले.
त्याचवेळी, शुभांग हेगडेने 17 चेंडूत 24 धावा केल्या. अशाप्रकारे कल्याणी बंगलोर ब्लास्टर्सच्या संघाला 20 षटकांत 2 बाद 212 धावांपर्यंत मजल मारता आली. म्हैसूर वॉरियर्सकडून जगदीश सुचितने सर्वाधिक 2 बळी घेतले. तर मनीष रेड्डी आणि गौतम मिश्राला अनुक्रमे 1-1 विकेटस मिळाली.
त्याचवेळी, कल्याणी बंगलोर ब्लास्टर्सच्या 212 धावांच्या प्रत्युत्तरात म्हैसूर वॉरियर्सच्या संघाने 10.1 षटकात 1 बाद 117 धावा केल्या आहेत. अशाप्रकारे, म्हैसूर वॉरियर्सला विजयासाठी शेवटच्या 10 षटकांत 96 धावा कराव्या लागतील, तर 9 विकेट शिल्लक आहेत.
यावेळी करुण नायर आणि एसयू कार्तिक फलंदाजी करत आहेत. करुण नायर 22 चेंडूत 20 धावा करुन खेळत आहे. तर एसयू कार्तिक 27 चेंडूत 64 धावा करुन क्रीजवर आहे. करुण नायर आणि एसयू कार्तिक यांनी दुसऱ्या विकेटसाठी 36 चेंडूत 63 धावांची भागीदारी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
