CSK Big Update: चेन्नई सुपर किंग्जचा आयपीएल 2023 चा पुढील सामना 17 एप्रिल रोजी रॉयल चॅलेंजर्स बंगळुरु विरुद्ध होणार आहे.
हा सामना बंगळुरुच्या एम चिन्नास्वामी स्टेडियमवर होणार आहे. या सामन्यापूर्वी चेन्नई सुपर किंग्जसाठी एक मोठी अपडेट समोर आली आहे.
धोनीच्या संघाला राजस्थान रॉयल्सविरुद्धच्या शेवटच्या सामन्यात 3 धावांच्या अगदी जवळच्या फरकाने पराभव पत्करावा लागला होता. अशा परिस्थितीत संघाला हा सामना जिंकण्याची पूर्ण आशा असेल.
चेन्नई सुपर किंग्ज आणि त्यांच्या चाहत्यांसाठी सर्वात मोठी आनंदाची बातमी आली आहे. संघाचा कर्णधार महेंद्रसिंग धोनी (Mahendra Singh Dhoni) आरसीबीविरुद्धच्या सामन्यापूर्वी पूर्णपणे तंदुरुस्त आहे.
टीमचे सीईओ काशी विश्वनाथन यांनी ही माहिती दिली आहे. क्रिकबझच्या वृत्तानुसार, विश्वनाथन यांनी धोनीबद्दल सांगितले की, तो आगामी सामन्यात खेळणार आहे.
ते पुढे म्हणाले की, राजस्थान रॉयल्सविरुद्धच्या (Rajasthan Royals) सामन्यात त्याला गुडघ्याचा त्रास झाला होता हे खरे आहे. मात्र, त्याने कोणालाच काही सांगितले नाही.
चेपॉक स्टेडियमवर बुधवारी (12 एप्रिल) झालेल्या अत्यंत रोमांचक सामन्यात राजस्थान रॉयल्सने चेन्नई सुपर किंग्जचा 3 धावांनी पराभव केला.
राजस्थानने पहिल्यांदा फलंदाजीचे निमंत्रण दिल्यानंतर 8 बाद 175 धावा केल्या. यानंतर चेन्नई सुपर किंग्जचा संघ 20 षटकांत 6 गडी गमावून 172 धावाच करु शकला. यासह राजस्थानने मोसमातील तिसरा विजय नोंदवला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.