आयपीएल 2022 चा हंगाम (IPL 2022) सुरु होण्यासाठी 10 दिवसच राहीले आहेत. जवळपास सर्व संघांनी त्यांच्या नवीन जर्सी लाँच केल्या आहेत. दुसरीकडे मात्र प्रत्येकजण प्रतीक्षा करत होता की, कोलकाता नाईट रायडर्स (Kolkata Knight Riders) यावेळी त्यांची अधिकृत जर्सी कधी लाँच करणार. अखेर होळीच्या दिवशी कोलकातानेही आपल्या चाहत्यांना होळीची भेट दिली आहे. (Kolkata Knight Riders jersey has been launched)
याआधी सोशल मीडियावर केकेआरने आधीच माहिती दिली होती की, 'आम्ही शुक्रवारी 11 वाजता आपली जर्सी लॉन्च करणार आहोत. KKR ची नवीन जर्सी जांभळ्या आणि सोनेरी रंगाची आहे. जर्सी लाँचच्या वेळी संघाचा थेट कार्यक्रम ठेवण्यात आला होता, ज्यामध्ये संघाचा कर्णधार श्रेयस अय्यर देखील उपस्थित होता. त्याने ही नवीन जर्सी घातली होती. यावेळी कॅप्टनने लाईव्ह कार्यक्रमात रंग लावून होळीही खेळली.'
दरम्यान, श्रेयस अय्यर (Shreyas Iyer) केकेआरचे कर्णधारपद भूषवणार आहे. यापूर्वी तो दिल्लीचा कर्णधार होता. मध्यंतरी अय्यर जखमी झाल्यानंतर, डीसीने ऋषभ पंतला (Rishabh Pant) दिल्लीचा कर्णधार बनवले होते. त्यानंतर तो पुन्हा दिल्लीचा कर्णधार होऊ शकला नाही. श्रेयस अय्यर हा संघाचा 7 वा कर्णधार आहे. यापूर्वी सौरव गांगुली (Sourav Ganguly), ब्रेडन मॅक्युलम, गौतम गंभीर (Gautam Gambhir), दिनेश कार्तिक (Dinesh Karthik), इऑन मॉर्गन यांनी संघाचे नेतृत्व केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
