खोर्ली इलेव्हन उत्तर विभागीय विजेते

पणजी : खोर्ली इलेव्हनने गोवा क्रिकेट असोसिएशनच्या (जीसीए) अ गट क्रिकेट स्पर्धेत उत्तर विभागीय विजेतेपद मिळविले. अंतिम लढतीत त्यांनी पेडणे कल्चरल अँड स्पोर्टस क्लबचा ११३ धावांनी धुव्वा उडविला. सामना शनिवारी पर्वरी येथील जीसीए अकादमी मैदानावर झाला. (Khorli XI North Division is winners in JCA cricket tournament)

निनाद पावसकर, दीपांशू शर्मा, दीपक पुनिया, ऋषभ यांच्या आक्रमक अर्धशतकांच्या बळावर खोर्ली इलेव्हनने प्रथम फलंदाजी करताना ५ बाद ३०९ धावा केल्या. नंतर ओमकार घुले याच्या अर्धशतकानंतरही पेडणे संघाचा डाव १९६ धावांत संपुष्टात आला. राज्य विजेतेपदासाठी खोर्ली इलेव्हनसमोर दक्षिण विभागीय विजेत्या संघाचे आव्हान असेल.

संक्षिप्त धावफलक : खोर्ली इलेव्हन : ४५ षटकांत ५ बाद ३०९ (निनाद पावसकर ७७- ८५ चेंडू, ८ चौकार, २ षटकार, दीपांशू शर्मा ५५- ६९ चेंडू, ५ चौकार, दीपक पुनिया ८३- ५८ चेंडू, ४ चौकार, ५ षटकार, राहुल केणी २६, ऋषभ राठोड नाबाद ५४- ४१ चेंडू, ६ चौकार, कौशल चुरी १-३९, रोहन शेट्टी १-५३, ओमकार घुले १-३४, शुभम झा १-४०, ओम मडगावकर १-२५) वि. वि. पेडणे कल्चरल अँड स्पोर्टस क्लब : ४०.३ षटकांत सर्वबाद १९६ (ओमकार घुले ५६- ३६ चेंडू, ८ चौकार, १ षटकार, राजेश बेविनाकट्टी २८, वेदांग नाईक ३८, रोहन शेट्टी २५, विपुल देशप्रभू १९, दीपक पुनिया २-३५, मानस १-१४, ऋषभ राठोड २-४४, साहिल धुरी १-२५, महंमद शहीद २-३४, प्रणव साळुंखे २-१९).

मडकई युवक संघ अंतिम फेरीत

कमी धावसंख्येच्या लढतीत मडकई युवक संघाने कुडचडे यूथ क्लबवर तीन विकेट्सने विजय नोंदवून गोवा क्रिकेट असोसिएशनच्या (JCA) अ गट क्रिकेट (Cricket) स्पर्धेत दक्षिण विभागीय अंतिम फेरी गाठली. सामना शनिवारी कांपाल (kampala) येथील भाऊसाहेब बांदोडकर (Bhausaheb Bandodkar) मैदानावर झाला.

संक्षिप्त धावफलक : कुडचडे यूथ क्लब : ३२.५ षटकांत सर्वबाद ७८ (व्यंकट बिचे १८, राजदीप नाईक नाबाद १३, पचोरे किरण १५, महेश रायकर ३-२६, साईश नाईक ३-८, दीपक डांगी २-२३, सिद्धेश नाईक १-१२) पराभूत वि. मडकई युवक संघ : २३.३ षटकांत ७ बाद ८० (उन्मेष खेडेकर १७, दीपक डांगी नाबाद २३, व्यंकट बिचे १-८, राजदीप नाईक २-२२, सुदेश राणे ३-२७, प्रणव बिचे १-५).