Goa university: आंतरमहाविद्यालयीन ज्युदो स्पर्धेत खांडोळा महाविद्यालय विजयी

पणजी: गोवा विद्यापीठाच्या (Goa University )आंतरमहाविद्यालयीन पुरुष ज्युदो स्पर्धेत खांडोळा सरकारी महाविद्यालयाने सांघिक विजेतेपद पटकाविले. ताळगाव पठारावरील विद्यापीठाच्या ज्युबिली हॉलमध्ये झालेल्या स्पर्धेत फर्मागुढी येथील पीईएस आरएसएन महाविद्यालय व मिरामरा येथील व्ही. एम. साळगावकर कायदा महाविद्यालयास संयुक्त उपविजेतेपद मिळाले.

( Khandola College won Goa University Inter-College Men's Judo Tournament)

स्पर्धेत राज्यभरातील महाविद्यालयीन संघ सहभागी झाले होते. स्पर्धा एकूण आठ वजनगटात झाली व त्यात 88 खेळाडूंनी भाग घेतला. नावेली येथील शारीरिक शिक्षण आणि क्रीडा संचालक डॉ. फ्रान्सिस लोबो, गोवा क्रीडा प्राधिकरणाचे ज्युदो प्रशिक्षक मीर डायस यांच्या हस्ते बक्षीस वितरण झाले.

निकाल: 56 किलो वजनगट :संगप्पा गौडर (सीईएस-कुंकळ्ळी), देवराज लमाणी (रोझरी-नावेली), अखिलेश कुशवाह व महेश चांदरगी (दोघे डीएम्स-आसगाव), 60 किलो वजनगट :दर्शन नाईक (पीईएस-फर्मागुढी), ब्लेज डिसोझा (खांडोळा), ॲस्बन कार्दोझ (रोझरी-नावेली) व आदित्य साहानी (एसएस धेंपो-कुजिरा), 66 किलो वजनगट: निखिल परिट (पीईएस-फर्मागुढी), अर्जुन सोनुर्लेकर (डीएम्स-आसगाव)

हर्ष झोरे (गोवा मल्टिफॅकल्टी) व सोहन नाईक (सेंट झेवियर्स-म्हापसा), 73 किलो वजनगट: मयूर माईणीकर (खांडोळा), सौरभ गोवेकर (पदव्युत्तर-गोवा विद्यापीठ), एरिक्सन फिगरेदो (रोझरी-नावेली) व एलिप प्रवीण (खांडोळा), 81 किलो वजनगट: ध्रुव कुमार (व्ही. एम. साळगावकर कायदा-मिरामार), नामदेव गावडे (साखळी), अनुज भारद्वाज (श्रीदोरा काकुलो-म्हापसा) व विनायक शर्मा (पीईएस-फर्मागुढी).

90 किलो वजनगट: सुयश शिर्के (खांडोळा), साईश कोलवाळकर (डीएम्स-म्हापसा), अविनाश साळगावकर (व्ही. एम. साळगावकर कायदा-मिरामार) व ब्राहॅम रॉड्रिग्ज (रोझरी-नावेली), 100 किलो वजनगट: आकाश माडोळकर (जी. आर. कारे कायदा-मडगाव), खुदबुदीन कळ्ळोली (रोझरी-नावेली), संजित डायस (धेंपे-मिरामार) व साहिल खानविलकर (श्री दामोदर-मडगाव), 100 वरील किलोगट: अद्वैत कुमार (व्ही. एम. साळगावकर कायदा-मिरामार), वरुण कळंगुटकर (खांडोळा), यश्वनी च्यारी (खांडोळा) व अभिषेक परब (श्रीदारो काकुलो-म्हापसा).