'संजना लवकर परत ये,' बुमराह ने लिहिली पत्नीसाठी सोशल मीडिया पोस्ट

टीम इंडियामध्ये यशस्वीरित्या जबाबदारी पार पाडल्यानंतर भारताचा नंबर वन वेगवान गोलंदाज जसप्रीत बुमराह आता आयपीएलमध्ये आपला जलवा दाखवण्यासाठी सज्ज झाला आहे. मुंबई इंडियन्सचा हा स्टार सध्या क्वारंटाईनमध्ये आहे. मात्र, बुमराह (Jaspreet Bumrah) या क्वारंटाईन कालावधीमध्ये पत्नी आणि स्पोर्ट्स अँकर संजना गणेशनला (Sanjana Ganesan) खूप मिस करत आहे. त्याने आपल्या पत्नीसाठी सोशल मीडियावर (Social Media) एक भावनिक पोस्ट लिहिली आहे. ज्यामध्ये त्याने आपल्या चाहत्यांनाही सांगितले की, 'मी संजनाला खूप मिस करत आहे.' (Jaspreet Bumrah has written an emotional post on social media for his wife Sanjana Ganesan)

विशेष म्हणजे, बुमराहने संजनासोबतचा लग्नातील एक फोटो शेअर केला आहे, ज्यामध्ये दोघेही पारंपारिक कपड्यांमध्ये आणि एकमेकांकडे हसताना दिसत आहेत. बुमराहने कॅप्शनमध्ये लिहिले की, 'लवकर परत ये. आपले विनोद तुला खूप मिस करत आहेत.' बुमराहची पत्नी स्पोर्ट्स अँकर आहे. सध्या ती महिला विश्वचषक चालू असल्यामुळे न्यूझीलंडमध्ये आहे. आयपीएल दरम्यान ती मुंबई इंडियन्समधील (Mumbai Indians) इतर खेळाडूंच्या कुटुंबीयांसह टीमला चिअर करताना दिसेल.