Quinton de Kock Catch: हवेत सूर मारत डी कॉकने एका हातात पकडला अविश्वसनीय कॅच, Video एकदा पाहाच

क्विटन डी कॉकने शनिवारी झालेल्या आयपीएल सामन्यात हवेत उडी मारत एका हाताने शानदार झेल घेतला.
Quinton de Kock
Quinton de Kock Dainik Gomantak

Quinton de Kock Catch Video: शनिवारी इंडियन प्रीमियर लीग 2023 स्पर्धेतील 58 वा सामना सनरायझर्स हैदराबाद विरुद्ध लखनऊ सुपर जायंट्स संघात पार पडला. या सामन्यात लखनऊने 7 विकेट्सने सहज विजय मिळवला. दरम्यान, लखनऊच्या विजयाबरोबरच या सामन्यात यष्टीरक्षक फलंदाज क्विंटन डी कॉकने पकडलेला झेल चर्चेत राहिला.

डी कॉक हा एक उत्तम यष्टीरक्षक म्हणून ओळखला जातो. त्याचाच प्रत्यय तो लखनऊकडून या सामन्यात यष्टीरक्षण करणताना आला.

Quinton de Kock
IPL Video Viral: 6,6,6,6,6... स्टॉयनिस-पूरनचा कहर, एकाच ओव्हरमध्ये 31 धावा चोपत फिरवली मॅच

या सामन्यात हैदराबादने प्रथम फलंदाजी करण्याचा निर्णय घेतला होता. पण त्यांनी पहिली विकेट अभिषेक शर्माच्या रुपात लवकर गमावली. पण नंतर अनमोलप्रीत सिंग आणि राहुल त्रिपाठी चांगली भागीदारी करत होते. मात्र त्यांची भागीदारी डी कॉकने घेतलेल्या अप्रतिम झेल घेतल्याने तुटली.

झाले असे की सहाव्या षटकात गोलंदाजी करण्यासाठी यश ठाकूर आला. त्याने टाकलेल्या आखुड टप्प्याच्या चौथ्या चेंडूवर राहुल त्रिपाठीने हुक शॉट मारण्याचा प्रयत्न केला. मात्र चेंडू बॅटच्या वरच्या बाजूला लागला आणि यष्टीच्या मागे गेला. यावेळी डी कॉकने डाव्या बाजूला वर उडी मारत एका हाताने झेल घेतला. त्याच्या या झेलाचा सध्या कौतुक होत आहे.

Quinton de Kock
Virat Kohli Record: RCB साठी खेळताना किंग कोहलीचा वर्ल्ड रेकॉर्ड! धोनीलाही टाकलंय मागे

दरम्यान, सामन्याबद्दल सांगायचे झाल्यास हैदराबादने प्रथम फलंदाजी करताना 20 षटकात 6 बाद 182 धावा केल्या होत्या. हैदराबादकडून हेन्रक क्लासेनने सर्वाधिक 47 धावा केल्या. तसेच अनमोलप्रीतने 36 धावांची खेळी केली, तसेच अब्दुल सामदने नाबाद 37 धावांची खेळी केली. लखनऊकडून कृणाल पंड्याने सर्वाधिक 2 विकेट्स घेतल्या.

त्यानंतर 183 धावांच्या आव्हानाचा पाठलाग लखनऊने 19.2 षटकात 3 विकेट्स गमावत सहज पूर्ण केल्या. लखनऊकडून प्रेरक मंकडने सर्वाधिक 45 चेंडूत 64 धावांची नाबाद खेळी केली. तसेच निकोलस पूरनने 13 चेंडूत 44 धावा केल्या. याशिवाय मार्कस स्टॉयनिसने 40 धावांची खेळी केली. हैदराबादकडून ग्लेन फिलिप्स, मयंक मार्कंडे आणि अभिषेक शर्मा यांनी प्रत्येकी 1 विकेट घेतली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com