IPL 2023 Qualifier 2 Gujarat Titans vs Mumbai Indians: इंडियन प्रीमियर लीग 2023 स्पर्धेत शुक्रवारी दुसरा क्वालिफायर सामना खेळवला जाणार आहे. अहमदाबादमधील नरेंद्र मोदी स्टेडियमवर होणाऱ्या या सामन्यात गतविजेते गुजरात टायटन्स आणि पाचवेळचे विजेते मुंबई इंडियन्स आमने-सामने येणार आहेत. या सामन्याला भारतीय प्रमाणवेळेनुसार संध्याकाळी 7.30 वाजता सुरुवात होणार आहे.
दरम्यान, नरेंद्र मोदी स्टेडियमवर यापूर्वी आयपीएल 2023 स्पर्धेत झालेल्या सामन्यांमध्ये मोठ्या धावसंख्या उभारण्यात आल्या आहेत. त्यामुळे हा सामनाही मोठ्या धावसंख्येचा होईल, अशी चाहत्यांना अपेक्षा आहे.
या महत्त्वपूर्ण सामन्यासाठी गुजरातचा संघ त्यांच्या प्लेइंग इलेव्हनमध्ये एक बदल करू शकतात. ते दर्शन नळकांडे ऐवजी पुन्हा यश दयालला संधी देऊ शकतात. याशिवाय मोठा बदल होण्याची शक्यता कमी आहे. त्यामुळे शुभमन गिल आणि वृद्धिमान साहा सलामीला फलंदाजी करू शकतात, तर मधली हार्जिक पंड्या, विजय शंकर, डेव्हिड मिलर सांभाळू शकतात.
तसेच साई सुदर्शनला इम्पॅक्ट सब्स्टिट्यूट म्हणून वापरता येऊ शकते. त्याचबरोबर खालची फळी अष्टपैलू दसून शनका आणि राहुल तेवतिया सांभाळू शकतात. त्याचबरोबर राशिद खाननेही त्याच्यातील फलंदाजी कौशल्य दाखवले आहे.
राशिद संघातील प्रमुख फिरकी गोलंदाज म्हणूनही भूमिका निभावेल, तसेच गोलंदाजी फळीत यश दयालसह नूर अहमद, मोहम्मद शमी, मोहित शर्मा यांचीही साथ मिळेल.
मुंबई प्लेइंग इलेव्हनमध्ये मोठा बदल करण्याची शक्यता कमी आहे. त्यामुळे कर्णधार रोहित शर्मा आणि ईशान किशन सलामीला फलंदाजी करू शकतात. मधली फळी सांभळण्यासाठी ख्रिस ग्रीन, सूर्यकुमार यादव, तिलक वर्मा, नेहल वढेरा, टीम डेव्हिड यांना संधी मिळू शकते. ग्रीन अष्टपैलू खेळाडू असल्याने तो गोलंदाजीतही योगदान देऊ शकतो.
तसेच ख्रिस जॉर्डनही वेगवान गोलंदाजीची धूरा सांभाळण्याबरोबरच खालच्या फळीत फलंदाजीतही योगदान देऊ शकतो. तसेच गोलंदाजी फळीत पीयुष चावला, आकाश मधवास, कुमार कार्तिकेय, हृतिक शोकिन आणि जेसन बेऱ्हेंडॉर्फ यांनाही संधी मिळू शकते. नेहल वढेरा इम्पॅक्ट सब्स्टिट्यूट म्हणून खेळू शकतो.
आयपीएलमध्ये आत्तापर्यंत मुंबई इंडियन्स आणि गुजरात टायट्स तीन वेळा आमने सामने आले आहेत. यातील एक वेळा गुजरातने विजय मिळवला आहे, तर दोनवेळा मुंबई इंडियन्सने विजय मिळवलेला आहे.
या सामन्यात विजय मिळवणारा संघ अंतिम सामन्यात चेन्नई सुपर किंग्सचा सामना करणार आहे. एमएस धोनीच्या नेतृत्वातील चेन्नई सुपर किंग्सने पहिला क्वालिफायर सामना जिंकत थेट अंतिम सामन्याची पात्रता मिळवली आहे. अंतिम सामना रविवारी 28 मे रोजी रंगणार आहे.
गुजरात टायटन्स - वृद्धिमान साहा, शुभमन गिल, हार्दिक पंड्या, विजय शंकर, डेव्हिड मिलर, दसून शनाका, राहुल तेवतिया, राशिद खान, यश दयाल, नूर अहमद, मोहम्मद शमी, मोहित शर्मा (इम्पॅक्ट सब्स्टिट्युट - साई सुदर्शन)
मुंबई इंडियन्स - रोहित शर्मा, ईशान किशन, कॅमेरॉन ग्रीन, सूर्यकुमार यादव, तिलक वर्मा, टिम डेव्हिड, ख्रिस जॉर्डन, पियुष चावला, आकाश मधवाल, हृतिक शोकिन, कुमार कार्तिकेय, जेसन बेऱ्हेंडॉर्फ (इम्पॅक्ट सब्स्टिट्युट - नेहल वढेरा)
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.