IPL 2023: माही इज लव्ह! चेन्नईच्या खेळाडूंचा क्रिकेटप्रेमींसोबत बॉन्डिगचा हा व्हिडिओ एकदा पाहाच

IPL 2023: इंडियन प्रीमियर लीग 2023 चा 61 वा सामना 14 मे रोजी चेन्नई सुपर किंग्ज आणि कोलकाता नाइट रायडर्स यांच्यात खेळला गेला. एमए चिदंबरम स्टेडियमवर झालेल्या या सामन्यात केकेआरने चेन्नईचा 6 गडी राखून पराभव केला. 

या पराभवानंतर सीएसकेची प्लेऑफमध्ये जाण्याची प्रतीक्षा वाढली आहे. पण सामन्यानंतर एमएस धोनीसह संघातील इतर खेळाडूंनी मैदानावर जे केले त्याने क्रिकेट चाहत्यांची मने जिंकली. 

खरं तर, केकेआरविरुद्धच्या सामन्यानंतर धोनीने संघाच्या उर्वरित खेळाडूंसोबत मैदानाला एक राउंड मारला. यावेळी त्याने रॅकेटमधून टेनिस बॉल प्रेक्षकांच्या दिशेने फेकला. एवढेच नाही तर धोनीने माजी क्रिकेटपटू सुनील गावस्कर यांना त्यांच्या शर्टवर ऑटोग्राफ दिला. हा व्हिडिओ सोशल मीडियावर (Social Media) चांगलाच व्हायरल होत आहे. 

• धोनीने जिंकली चाहत्यांची मने

एमए चिदंबरम स्टेडियमवर चेन्नई आणि कोलकाता यांच्यातील सामना पाहण्यासाठी मोठ्या संख्येने प्रेक्षक आले होते. सीएसकेचा (CSK) घरच्या मैदानावरचा हा हंगामातील शेवटचा सामना होता.

हे लक्षात घेऊन एमएस धोनी आणि संघातील इतर खेळाडूंनी मैदानाला एक राउंड मारला. CSK कर्णधाराने तो क्षण अधिक खास बनवला. जेव्हा त्याने त्याच्या रॅकेटमधून टेनिस बॉल प्रेक्षकांच्या दिशेने फेकला.

दरम्यान, सीएसकेच्या व्यवस्थापनासह उर्वरित खेळाडू संघाचा झेंडा हातात घेऊन जाताना दिसले. धोनी आणि संघातील इतर खेळाडूंच्या या शैलीचा क्रिकेट चाहत्यांनी आनंद घेतला. चेपॉकमध्ये उपस्थित असलेल्या क्रिकेट चाहत्यांसाठी हा एक अविस्मरणीय क्षण होता. 

• गावस्कर यांना दिलेला ऑटोग्राफ

एमएस धोनी आपल्या सहकाऱ्यांसोबत मैदानाला राउंड मारत असताना, यावेळी त्याने भारताचे माजी कर्णधार सुनील गावस्कर यांना त्याच्या शर्टवर ऑटोग्राफ दिला. 

गावस्कर हे टीम इंडियाचा माजी कर्णधार एमएस धोनीचे चाहते आहेत. गावस्कर एकदा म्हणाले होते, 'मला धोनीचा मृत्यूच्या वेळी विजयी षटकार पाहायला आवडेल, जो त्याने 2011 च्या विश्वचषक स्पर्धेच्या अंतिम फेरीत नुवान कुलसेकरावर मारला होता'.

साहजिकच धोनी त्याच्या आयपीएल करिअरच्या शेवटच्या टप्प्यावर आहे. कदाचित या मोसमानंतर तो आयपीएलमधून निवृत्ती जाहीर करेल. मात्र, आतापर्यंत त्यांनी निवृत्तीबाबत कोणतीही अधिकृत माहिती दिलेली नाही.