IPL 2022: रॉयल चॅलेंजर्स बंगळुरूचा (Royal Challengers Bangalore) माजी कर्णधार विराट कोहली सोमवारी आयपीएल 2022 च्या 15 व्या आवृत्तीसाठी त्याच्या फ्रेंचायझीमध्ये सामील झाला . विराट (Virat Kohli) संघात सामील झाल्याची बातमी आरसीबीने सोशल मीडियाच्या माध्यमातून दिली. रॉयल चॅलेंजर्स बंगलोरने त्यांच्या अधिकृत ट्विटर हँडलवर विराटचे चार वेगवेगळे फोटो शेअर केले आहेत. आरसीबीने पोस्ट शेअर करताना कॅप्शनमध्ये, 'किंग कोहली आला बस्स... हीच बातमी आहे' असे लिहिले. आयपीएलचा आगामी हंगाम 26 मार्चपासून मुंबईत होणार आहे. पहिल्या सामन्यात गतवेळचे विजेते चेन्नई सुपर किंग्ज आणि उपविजेते कोलकाता नाईट रायडर्स (CSK v KKR) हे संघ खेळणार आहे.
विराट कोहलीने 9 वर्षे आरसीबीचे कर्णधारपद भूषवले. आयपीएलच्या 14 व्या हंगामानंतर विराटने आरसीबीचे कर्णधारपद सोडले. या हंगामानंतर कर्णधारपदाचा राजीनामा देणार असल्याचे त्याने स्पर्धेच्या मध्यावर जाहीर केले होते. कोहली आता दक्षिण आफ्रिकेचा माजी कर्णधार फाफ डू प्लेसिसच्या नेतृत्वाखाली खेळणार आहे. गेल्या वर्षी चेन्नई सुपर किंग्जकडून खेळलेल्या डु प्लेसिसला आरसीबीने आयपीएल 2022 मेगा लिलावात 7 कोटी रुपयांनी खरेदी केले आहे.
कोहलीने आयपीएलमध्ये 5 शतके झळकावली आहेत
कर्णधारपद सोडल्यानंतर कोहली बिनधास्त आयपीएल खेळू शकतो. कोहलीने आंतरराष्ट्रीय क्रिकेटमध्ये शतक झळकावून दोन वर्षांहून अधिक काळ लोटला आहे. अशा स्थितीत आयपीएलमध्ये पुन्हा फॉर्म मिळवण्याचा त्याचा प्रयत्न असेल. कोहलीने नोव्हेंबर 2019 मध्ये शेवटचे आंतरराष्ट्रीय शतक झळकावले. कोहलीने आयपीएलमध्ये आतापर्यंत पाच शतके झळकावली आहेत. 207 आयपीएल सामन्यांमध्ये विराटच्या नावावर 6283 धावा आहेत, ज्यामध्ये 113 ही त्याची सर्वोत्तम धावसंख्या आहे.
आयपीएल 2022 साठी RCB तयार
RCB ने विराट कोहली, ग्लेन मॅक्सवेल आणि मोहम्मद सिराज यांना मेगा लिलावापूर्वी कायम ठेवले होते. कोहलीला 15 कोटी, मॅक्सवेल 11 कोटी आणि सिराजला 7 कोटींमध्ये संघात कायम ठेवण्यात आले. लिलावात रॉयल चॅलेंजर्स बंगळुरूकडून महिपाल लोमरोर, फिन ऍलन, शेरफेन रदरफोर्ड, जेसन बेहरेनडॉर्फ, सुयश प्रभुदेसाई, चामा मिलिंद, अनिश्वर गौतम, कर्ण शर्मा, डेव्हिड विली, सिद्धार्थ कौल, लवनित सिसोदिया, फाफ डू प्लेसिस, हर्षल हसन पटेल, वॉशिंग ड्यू प्लेसिस, डी. कार्तिक, जोश हेजलवूड, शाहबाज अहमद, अनुज रावत आणि आकाशदीप यांना विकत घेतले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
