नो-बॉलच्या वादानंतर ऋषभ पंतच्या गर्लफ्रेंडची पोस्ट व्हायरल

दिल्ली कॅपिटल्सचा कर्णधार ऋषभ पंत सध्या चर्चेत आहे. राजस्थान रॉयल्सविरुद्धच्या सामन्यात नो-बॉलवरून बराच गदारोळ झाला होता. या गोंधळाचा केंद्रबिंदू होता ऋषभ पंत, त्याने पंचांच्या निर्णयावर नाराजी व्यक्त करत रोवमन पॉवेल आणि कुलदीप यादव यांना पॅव्हेलियनमध्ये परतण्यास सांगितले. (no ball controversy rishabh pant girlfriend isha negi post)

या वर्तनासाठी पंतला मॅच फीच्या 100% दंड ठोठावण्यात आला आहे. आता या संपूर्ण प्रकरणावर ऋषभ पंतची गर्लफ्रेंड ईशा नेगीचे वक्तव्य आले आहे. ईशा नेगीने इंस्टाग्राम स्टोरीवर लिहिले, 'हेराफेरी म्हणजे जेव्हा ते तुमच्या प्रतिक्रियेला त्यांच्या सन्मानासाठी दोष देतात.'

ऋषभ पंत आणि ईशा नेगी पाच वर्षांहून अधिक काळ डेट करत आहेत. 2020 च्या सुरुवातीला ऋषभ पंतने सोशल मीडियावर ईशा नेगीसोबतचा एक फोटो शेअर केला होता. त्यादरम्यान दोघेही सुट्टीवर गेले होते. त्यानंतर पंतने उघडपणे संपूर्ण जगासमोर आपले प्रेम व्यक्त केले.

20 फेब्रुवारी 1997 रोजी जन्मलेली ईशा नेगी मूळची उत्तराखंडची असून ती व्यवसायाने इंटिरियर डिझायनर आहे. ईशा डेहराडूनमधील कॉन्व्हेंट ऑफ जीझस अँड मेरी (सीजेएम स्कूल)ची विद्यार्थिनी आहे. यानंतर त्यांनी एमिटी विद्यापीठातून बीए इंग्लिश ऑनर्सचे शिक्षण घेतले. ईशा नेगी तिच्या ग्लॅमरस लूकसाठी इंस्टाग्रामवर खूप लोकप्रिय आहे.