दिल्ली कॅपिटल्सला कोरोनाचा फटका बसला आहे. एक खेळाडू कोरोना पॉझिटिव्ह असल्याचे कळते. मात्र, खेळाडूचे नाव अद्याप समजू शकलेले नाही. त्यामुळे दिल्ली कॅपिटल्सच्या संघाने आज म्हणजेच 18 एप्रिल रोजी पुण्याला होणारा नियोजित दौरा रद्द केला आहे. तसेच दिल्ली कॅपिटल्सच्या संपूर्ण संघाला क्वारंटाईन करण्यात आले आहे.(IPL Covid Updates)
आता 18 आणि 19 एप्रिल रोजी दिल्ली कॅपिटल्सच्या खेळाडूंच्या घरोघरी कोविड-19 चाचण्या घेतल्या जातील. इंडियन प्रीमियर लीग (IPL) 2022 मध्ये दिल्ली कॅपिटल्सचा पुढील सामना 20 एप्रिल रोजी पुण्यातील महाराष्ट्र क्रिकेट असोसिएशन स्टेडियमवर पंजाब किंग्ज विरुद्ध होणार आहे. आयपीएल 2022 च्या गुणतालिकेत दिल्ली कॅपिटल्स सध्या आठव्या स्थानावर आहे.
आता या सामन्यावर संशयाचे ढग आहेत. हा सामना बुधवारी होणार की नाही याचा निर्णय आता बीसीसीआय घेणार आहे.
दिल्ली कॅपिटल्सचे फिजिओ पॅट्रिक फरहार्ट यांना आधीच कोरोना झाला आहे. चाचणीचा अहवाल पॉझिटिव्ह आल्यानंतर त्यांना क्वारंटाईन करण्यात आले. क्रिकबझच्या अहवालानुसार, यावेळी एका खेळाडूचा रॅपिड अँटीजेन चाचणी अहवाल पॉझिटिव्ह आला आहे.
भारतीय क्रिकेट नियामक मंडळाच्या (BCCI) नियमांनुसार, कोविड-19 (COVID-19) संकटादरम्यान प्लेइंग इलेव्हनला मैदानात उतरवण्यात अपयशी ठरलेल्या संघांमधील सामना पुढे ढकलला जाईल. हे शक्य नसल्यास, हे प्रकरण आयपीएल समितीकडे पाठवले जाईल आणि अंतिम निर्णय घेतला जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
