World Cup 2023: एकदिवसीय विश्वचषकातील सर्वात हाय-व्होल्टेज सामन्यात भारताने पाकिस्तानचा 7 गडी राखून पराभव केला. भारताने हा सामना अवघ्या 30.3 षटकांत जिंकला. या विजयासह भारत विश्वचषक क्रमवारीत पहिल्या क्रमांकावर पोहोचला आहे.
भारताने तिसऱ्या स्थानावरुन थेट पहिल्या स्थानावर झेप घेतली. या विजयासह भारताने प्रथम क्रमांकावर असलेल्या दक्षिण आफ्रिका आणि न्यूझीलंडला मागे टाकले. यावेळी भारताचा माजी क्रिकेटर वीरेंद्र सेहवागने पाकिस्तानींची चांगलीच मजा घेतली.
वीरेंद्र सेहवागने ट्विट करुन सांगितले की, 'आमचं आदरातिथ्य वेगळं आहे. आम्ही सर्व पाकिस्तानी खेळाडूंना फलंदाजीची संधी दिली.
आम्ही सर्वांची काळजी घेतो.' भारताच्या ग्रेट गोलंदाजांनी पाकिस्तानी खेळाडूंना ऑलआऊट केले, यासाठी सेहवागने पाकिस्तानी खेळाडूंसोबत मस्ती केली. सेहवाग पुढे म्हणाला की, 'भारतीय गोलंदाजांनी पाकिस्तानी फलंदाजांना लवकरात लवकर आऊट करण्याचा चंग बांधला होता.'
यानंतर सेहवाग शोएब अख्तरची (Shoaib Akhtar) आठवण काढत म्हणाला की, पाकिस्तानी दबाव सहन करु शकत नाहीत. सेहवाग शेवटी म्हणाला की, ''शोएब भाई ना इश्क में, ना प्यार में, जो मजा है पाकिस्तान की 8-0 की हार में!''
दरम्यान, रोहितने पाकिस्तानविरुद्ध (Pakistan) 62 चेंडूत 86 धावा केल्या. यादरम्यान रोहितने आपल्या इनिंगमध्ये 6 चौकार आणि 6 षटकार मारले.
दुसरीकडे, नाणेफेक गमावून प्रथम फलंदाजी करण्यासाठी आलेल्या पाकिस्तान संघाने 42.5 षटकांत सर्व विकेट गमावून केवळ 191 धावा केल्या होत्या. पाकिस्तानकडून कर्णधार बाबर आझमने सर्वाधिक 50 धावांचे योगदान दिले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.