India vs Sri Lanka: भारत विरुद्ध श्रीलंका यांच्यात गुवाहाटीमध्ये पहिला वनडे सामना पार पडला. या सामन्यात भारताने 67 धावांनी विजय मिळवला. भारताच्या या विजयात भारताचा मधल्या फळीतील फलंदाज विराट कोहलीचा मोठा वाटा राहिला. पण याच सामन्यादरम्यान तो एका क्षणी हार्दिक पंड्यावर चिडला होता, या घटनेचा व्हिडिओ सध्या व्हायरल होत आहे.
झाले असे की भारतीय संघाच्या डावात 43 व्या षटकात कसून रजितच्या एका चेंडूवर विराटने एक शॉट खेळला. त्यावर विराट आणि हार्दिकने एक धाव चपळाईने धावली. त्यानंतर विराट दुसरी धाव घेण्यासाठीही अर्ध्या खेळपट्टीपर्यंत पोहचला होता, मात्र हार्दिकने दुसरी धाव घेण्यास नाकारले.
(Virat Kohli gives death stare to Hardik Pandya)
हार्दिकच्या या नकाराबद्दल विराटने नाराजी व्यक्त केली. त्यावेळी त्याने हार्दिकवर एक रागीट कटाक्षही टाकला. त्यानंतर हार्दिकने त्याच्या नजरेशी नजर मिळवली नाही. त्यानंतर 45 व्या षटकात रजितानेच हार्दिकला 14 धावांवर बाद केले.
दरम्यान, विराटने या सामन्यात त्याचे वनडे क्रिकेटमधील 45 आणि आंतरराष्ट्रीय क्रिकेटमधील एकूण 73 वे शतक पूर्ण केले. त्याने 87 चेंडूत 113 धावांची खेळी केली. या खेळीत त्याने 12 चौकार आणि 1 षटकार मारला.
त्याच्याव्यतिरिक्त भारताकडून या सामन्यात कर्णधार रोहित शर्माने 83 धावांची आणि शुभमन गिलने 70 धावांची खेळी केली. त्यामुळे भारताने प्रथम फलंदाजी करताना 50 षटकात 7 बाद 373 धावा केल्या होत्या. श्रीलंकेकडून कसून रजिताने सर्वाधिक 3 विकेट्स घेतल्या.
त्यानंतर 374 धावांच्या आव्हानाचा पाठलाग करताना श्रीलंकेकडून दसून शनकाने नाबाद 108 धावांची खेळी केली. तसेच पाथम निसंकाने 72 धावांची खेळी केली आणि धनंजय डी सिल्वाने 47 धावांचे योगदान दिले आहे. मात्र, अन्य कोणालाही मोठी खेळी करता आली नाही. त्यामुळे श्रीलंका संघ 50 षटकात 8 बाद 306 धावाच करता आल्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
