दुसऱ्या एकदिवसीय सामन्यामध्ये भारतीय संघाने (Indian Team) श्रीलंकेवर (Sri Lanka) 3 गडी राखून दणदणीत विजय मिळवला होता. आणि मालिकेत 2-0 अशी विजयी आघाडी घेतली. त्यानंतर आज पुन्हा एकदा दोन्ही संघ आर. प्रेमदासा स्टेडियमवर (R. Premadasa Stadium) आमनेसामने येणार आहेत. टीम इंडियासमोर निर्भेळ यशाचं तर लंकेसमोर प्रतिष्ठा राखण्याचे ध्येय असणार आहे. आजच्या सामन्यामध्ये टीम इंडियाचा कर्णधार शिखर धवनने (Shikhar Dhawan) नाणेफेक जिंकून पहिल्यांदा फलंदाजी करण्याचा निर्णय घेतला आहे.
टीम इंडियात पाच खेळाडूंचे पदार्पण
मालिकेमध्ये विजयी आघाडी घेतल्यानंतर आज होणाऱ्या तिसऱ्या आणि अंतिम वनडे सामन्यात टीम इंडियामध्ये बदल होणार हे अपेक्षितच होते. त्यानुसार भारतीय संघामध्ये बदल करण्यात आला आहे. त्यापैकी पाच खेळाडू एकदिवसीय सामन्यामध्ये पदार्पण करत आहेत. संजू सॅमसन, नितीश राणा, चेतन सकारिया, कृष्णप्पा गौतम, राहुल चहर यांना एकदिवसीय कॅप देण्यात आली आहे. वेगवान गोलंदाज नवदीप सैनीला आजच्या या सामन्यामध्ये खेळण्याची संधी मिळणार आहे. तर दुसरीकडे श्रीलंकेचा कर्णधार दासुन शनाकानेही आपल्या संघामध्ये तीन मोठे बदल केले आहेत. प्रवीण जयविक्रमा, अकिला धनंजया आणि रमेश मेंडीस यांना आजच्या सामन्यात खेळण्याची संधी मिळणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
