IND vs PAK: रोहित-गिलनंतर कोहली-राहुलचाही पाकिस्तानी गोलंदाजांना दणका! वनडेत चौथ्यांदाच झाला 'हा' पराक्रम

India vs Pakistan: आशिया चषक २०२३ स्पर्धेत पाकिस्तानविरुद्ध भारताच्या पहिल्या चारही फलंदाजांनी केलेल्या कामगिरीमुळे खास विक्रम झाला आहे.
KL Rahul | Virat Kohli
KL Rahul | Virat KohliDainik Gomantak

Asia Cup 2023, India vs Pakistan, Record:

आशिया चषकात 2023 स्पर्धेच्या सुपर फोर फेरीतील भारत विरुद्ध पाकिस्तान संघातील सामना रविवारी सुरू झाला आहे. पण रविवारी पावसामुळे हा सामना पूर्ण न झाल्याने राखीव दिवशी सोमवारी उर्वरित सामना खेळवला जात आहे. दरम्यान, या सामन्यात भारताकडून वरच्या फळीतील फलंदाजांनी दमदार कामगिरी केली आहे.

दरम्यान, या सामन्यात पाकिस्तानने नाणेफेक जिंकून भारताला प्रथम फलंदाजीसाठी आमंत्रित केले. त्यामुळे भारताकडून रोहित शर्मा आणि शुभमन गिल हे सलामीला फलंदाजीला उतरले.

या दोघांनीही भारताला शानदार सुरुवात मिळवून देताना सलामीला 121 धावांची भागीदारी रचली. मात्र वैयक्तिक अर्धशतकानंतर दोघेही लागोपाठच्या षटकांमध्ये बाद झाले. शादाब खानने 17 व्या षटकात रोहितला फहिम अश्रफच्या हातून झेलबाद केले. रोहितने 49 चेंडूत 6 चौकार आणि 4 षटकारांसह 56 धावांची खेळी केली.

KL Rahul | Virat Kohli
IND vs PAK: पाकिस्तानला रातोरात तगडा झटका! भारताविरुद्ध एक गोलंदाज कमी घेऊन खेळणार, कारण...

त्यानंतर 18 व्या षटकात पुढच्याच षटकात शुभमन गिलला शाहिन आफ्रिदीने आघा सलमानच्या हातून झेलबाद केले. गिलने 10 चौकारांसह 52 चेंडूत 58 धावांची खेळी केली.

तसेच सोमवारी भारताकडून तिसऱ्या क्रमांकावर उतरलेल्या विराट कोहलीने आणि चौथ्या क्रमांकावर उतरलेल्या केएल राहुल यांनी द्विशतकी भागीदारी करण्याबरोबर शतकेही पूर्ण केली. विराटने नाबाद 122 धावा केल्या, तर केएल राहुलने नाबाद १११ धावा केल्या.

त्यामुळे वनडे क्रिकेटमध्ये असे चौथ्यांदाच घडले की भारताकडून एकाच डावात पहिल्या चारही फलंदाजांनी 50 धावांचा आकडा पार केला आहे. तसेच पाकिस्तानविरुद्ध दुसऱ्यांदा असे घडले आहे.

KL Rahul | Virat Kohli
Virat Kohli: किंग कोहलीने ठोकलं 77 वे शतक! सचिन तेंडुलकरलाही पछाडत रचला नवा वर्ल्ड रेकॉर्ड

यापूर्वी, 2006 साली इंग्लंडविरुद्ध इंदूरला झालेल्या वनडेत रॉबिन उथप्पाने 86, राहुल द्रविडने 69, युवराज सिंगने 63 आणि सुरेश रैनाने 53 धावांची खेळी केली होती.

तसेच 2007 साली इंग्लंडविरुद्धच लीड्सला झालेल्या वनडेत सौरव गांगुली (59), सचिन तेंडुलकर (71), गौतम गंभीर (51), आणि युवराज सिंग (72) यांनी अर्धशतके केली होती.

त्यानंतर 10 वर्षांनी म्हणजेच 2017 साली पाकिस्तानविरुद्ध बर्मिंगघमला झालेल्या सामन्यात रोहित शर्मा (91), शिखर धवन (68), विराट कोहली (81*) आणि युवराज सिंग (53) यांनी अर्धशतके केली होती.

दरम्यान, सोमवारी भारताने पाकिस्तानविरुद्ध प्रथम फलंदाजी करताना 50 षटकात 2 बाद 356 धावा उभारल्या आणि पाकिस्तानला 357 धावांचे आव्हान दिले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com