India vs New Zealand, 3rd ODI: भारत विरुद्ध न्यूझीलंड संघात मंगळवारी वनडे मालितील तिसरा सामना होणार आहे. इंदोरमधील होळकर क्रिकेट स्टेडियवर हा सामना होत आहे. या सामन्यात न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला आहे.
दरम्यान, या सामन्यासाठी दोन्ही संघांच्या प्लेइंग इलेव्हनमध्ये बदल करण्यात आला आहे. भारताने प्लेइंग इलेव्हनमध्ये दोन बदल केले आहेत. वेगवान गोलंदाज उमरान मलिक आणि फिरकीपटू युजवेंद्र चहल यांना तिसऱ्या वनडेसाठी भारताच्या प्लेइंग इलेव्हनमध्ये संधी मिळाली आहे, तर मोहम्मद सिराज आणि मोहम्मद शमी यांना बाहेर करण्यात आले आहे.
तसेच न्यूझीलंडनेही प्लेइंग इलेव्हनमध्ये एक बदल केला आहे. त्यांनी हेन्री शिपली ऐवजी जेकॉब डफी याला प्लेइंग इलेव्हनमध्ये संधी दिली आहे.
भारताला निर्भेळ यशाची संधी
भारताने तीन सामन्यांच्या या वनडे मालिकेतील पहिले दोन सामने जिंकले आहेत. त्यामुळे ही मालिका आधीच भारताने खिशात घातली आहे. त्यामुळे भारताला आता तिसरा सामना जिंकून मालिकेत निर्भेळ यश मिळवण्याची संधी आहे.
दरम्यान, न्यूझीलंडही व्हाईटवॉश टाळण्यासाठी तिसऱ्या सामन्यात विजय मिळवण्याचा प्रयत्न करतील.
असे आहेत 11 जणांचे संघ -
भारतीय संघ - रोहित शर्मा (कर्णधार), शुभमन गिल, विराट कोहली, ईशान किशन (यष्टीरक्षक), सूर्यकुमार यादव, हार्दिक पंड्या, वॉशिंग्टन सुंदर, शार्दुल ठाकूर, कुलदीप यादव, युजवेंद्र चहल, उमरान मलिक
न्यूझीलंड संघ - फिन ऍलेन, डेवॉन कॉनवे, हेन्री निकोल्स, डेरिल मिशेल, टॉम लॅथम (कर्णधार/यष्टीरक्षक), ग्लेन फिलिप्स, मायकल ब्रेसवेल, मिशेल सँटेनर, लॉकी फर्ग्यूसन, जेकॉब डफी, ब्लेअर टिकनर
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
