India vs New Zealand 1st T20: भारत आणि न्यूझीलंड यांच्यातील पहिला T20 सामना आज (27 जानेवारी) रांचीच्या मैदानावर खेळवला जाणार आहे. एकदिवसीय मालिकेनंतर भारताची नजर टी-20 मालिका जिंकण्यावर असेल. तर हार्दिक पांड्याच्या नेतृत्वाखाली युवा खेळाडूंना आपली सर्वोत्तम कामगिरी दाखवून टीम इंडियात स्थान मिळवायचे आहे.
विराट कोहलीला टी-20 मालिकेत विश्रांती देण्यात आली आहे. अशा परिस्थितीत त्याच्या जागी 31 वर्षीय युवा खेळाडू फलंदाजीसाठी उतरु शकतो. हा खेळाडू विस्फोटक फलंदाजीत माहिर आहे.
न्यूझीलंडविरुद्धच्या पहिल्या एकदिवसीय सामन्यात 31 वर्षीय राहुल त्रिपाठीला (Rahul Tripathi) तिसऱ्या क्रमांकावर संधी मिळू शकते. राहुल हा विस्फोटक फलंदाजीत माहिर असलेला खेळाडू आहे. कोणत्याही गोलंदाजीचा मुकाबला करण्याची क्षमता त्याच्यात आहे. श्रीलंकेविरुद्धच्या तिसऱ्या टी-20 सामन्यात त्याने 16 चेंडूत 35 धावांची तुफानी खेळी खेळली होती.
राहुलने आपल्या प्रथम श्रेणी कारकिर्दीत 52 सामन्यांमध्ये 7 शतके आणि 14 अर्धशतकांसह 2728 धावा केल्या आहेत. याशिवाय, त्याच्या नावावर 53 सामन्यांमध्ये 4 शतके आणि 10 अर्धशतकांसह लिस्ट ए मध्ये एकूण 1782 धावा आहेत. त्याने फर्स्ट क्लासमध्ये 13 आणि लिस्ट ए मध्ये 6 विकेट्स घेतल्या आहेत.
पहिला T20 - 27 जानेवारी, रांची
दुसरा T20 - 29 जानेवारी, लखनौ (Lucknow)
तिसरा T20 - 1 फेब्रुवारी, अहमदाबाद
हार्दिक पंड्या (कर्णधार), सूर्यकुमार यादव (उपकर्णधार), ईशान किशन (यष्टीरक्षक), शुभमन गिल, दीपक हुड्डा, राहुल त्रिपाठी, जितेश शर्मा (यष्टीरक्षक), वॉशिंग्टन सुंदर, कुलदीप यादव, यजुवेंद्र चहल, अर्शदीप सिंग , उमरान मलिक, शिवम मावी, पृथ्वी शॉ, मुकेश कुमार.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
