IND vs ENG 5th Test: धरमशाला मैदानावर मालिकेतील शेवटच्या कसोटी सामन्यात भारत आणि इंग्लंड संघ आमनेसामने आहेत. इंग्लंडचा तूफानी फलंदाज जॉनी बेअरस्टोसाठी हा कसोटी सामना खूप खास आहे. जॉनी बेअरस्टो धरमशाला येथे 100 वा कसोटी सामना खेळत आहे. जॉनी बेअरस्टोने आपल्या 100व्या कसोटी सामन्यातही मोठी कामगिरी केली. सामन्याच्या पहिल्या डावात 26 धावा करताच बेअरस्टोने ही कामगिरी केली.
दरम्यान, धरमशाला कसोटी सामन्यातील पहिल्या डावात जॉनी बेअरस्टो पुन्हा एकदा फ्लॉप ठरला. पहिल्या डावात केवळ 29 धावा करुन जॉनी बाद झाला. पण जॉनीने पहिल्या डावात 26 धावा करताच कसोटी क्रिकेटमध्ये (Test Cricket) त्याच्या नावावर एक खास कामगिरी नोंदवली गेली. खरे तर, धरमशाला कसोटीच्या पहिल्या डावात 26 धावा केल्यानंतर जॉनी बेअरस्टोने कसोटी क्रिकेटमध्ये 6 हजार धावा पूर्ण केल्या. अशाप्रकारे जॉनी बेअरस्टोने आपल्या 100व्या आंतरराष्ट्रीय कसोटी सामन्यात हा पराक्रम केला.
दरम्यान, या सामन्यात इंग्लंडचा कर्णधार बेन स्टोक्सने नाणेफेक जिंकून प्रथम फलंदाजी करण्याचा निर्णय घेतला. या मैदानावर वेगवान गोलंदाजांना मदत मिळेल, असे बोलले जात होते. पण भारतीय फिरकीपटूंनी ते चुकीचे ठरवले. लंचपर्यंत इंग्लंडची धावसंख्या 2 बाद 100 धावा होती. त्यानंतर टीब्रेकपर्यंत इंग्लंडने (England) 8 गडी गमावून 194 धावा केल्या होत्या. दुसऱ्या सेशनमध्ये इंग्लिश संघाच्या सहा विकेट पडल्या. त्यापैकी कुलदीपला तीन, अश्विनला दोन आणि जडेजाला एक विकेट मिळाली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.