IND vs AUS: आऊट होताच विराट कोहलीचा चढला पारा, ड्रेसिंग रुममधील Video व्हायरल

Video: दिल्ली कसोटीतील विराट कोहलीची विकेट वादग्रस्त ठरली आहे.
Virat Kohli
Virat KohliDainik Gomantak

Virat Kohli Wicket: भारत विरुद्ध ऑस्ट्रेलिया संघात दिल्लीतील अरुण जेटली क्रिकेट स्टेडियमवर कसोटी मालिकेतील दुसरा सामना सुरू आहे. शनिवारी (१८ फेब्रुवारी) या सामन्याचा दुसरा दिवस होता. दरम्यान, या दिवशी भारताचा मधल्या फळीतील फलंदाज विराट कोहलीची विकेट वादग्रस्त ठरली. त्यामुळे तो नाराजी व्यक्त करतानाही दिसला.

या सामन्यात भारताने सलामीवीरांच्या विकेट गमावल्यानंतर विराट फलंदाजीसाठी आला होता. त्याने 66 धावांवर 4 विकेट्स अशा परिस्थितीनंतर रविंद्र जडेजाबरोबर भागीदारी करत भारताचा डाव सावरला होता. या दोघांचीही भागीदारी चांगली रंगत होती.

मात्र त्याचवेळी 50 व्या षटकात ऑस्ट्रेलियाकडून पहिला सामना खेळणाऱ्या मॅथ्यू कुहनेमनने विराटला बाद करत त्याची पहिली विकेट घेतली आणि भारतालाही मोठा धक्का दिला. मात्र ही विकेट वादग्रस्त ठरली. कारण कुहनेमनने टाकलेल्या चेंडूवर ऑस्ट्रेलियाने पायचीतसाठी अपील केले होते. त्यावर मैदानावरील पंचांनी विराटला बाद करार दिलेला. पण विराटने रिव्ह्यूची मागणी केली.

Virat Kohli
IND vs AUS: अरेरे! 100 व्या कसोटीतच पुजारा शून्यावर आऊट, हा नकोसा रेकॉर्डही नावावर

या रिव्ह्यूमध्ये विराटच्या बॅट की पॅडला बॉल आधी लागला हे समजत नव्हते. त्यामुळे तिसऱ्या पंचांनी मैदानावरील पंचांचा निर्णय अंतिम मानत चेंडूचा टप्पा तपासला. यामध्ये चेंडू योग्य टप्प्यात पडलेला दिसला मात्र, चेंडूचा अगदी थोडा स्पर्श स्टंपला होत होता. त्यामुळे अंपायर्स कॉल असा निर्णय तिसऱ्या पंचांनी दिल्यांनतर मैदानावरील पंचांचा निर्णयच अंतिम ठेवण्यात आला. त्यामुळे विराटने पॅव्हेलियनकडे परतताना नाराजी व्यक्त केली.

विराट जेव्हा बाद झाला, तेव्हा तो 84 चेंडूत 44 धावांवर खेळत होता. तसेच त्याने जडेजाबरोबर 59 धावांची भागीदारीही केली होती.

दरम्यान, ड्रेसिंग रुममध्ये परतल्यावर देखील विराट निराश दिसत होता. त्याने ड्रेसिंग रुममध्ये परतल्यावर पुन्हा एकदा रिप्ले पाहिला. ते पाहून त्याने त्याचा राग व्यक्त केला. त्याच्या विकेटच्या निर्णयावर प्रशिक्षकही निराश होते. या घटनेचा व्हिडिओ सध्या व्हायरल होत आहे.

Virat Kohli
IND vs AUS: केएल राहुलचा खेळ खल्लास? गेल्या 10 डावातील आकडेवारी पाहाच

दरम्यान, विराट बाद झाल्यानंतर जडेजा (26) आणि श्रीकर भरतही (6) स्वस्तात माघारी परतले. पण त्यानंतर अक्षर पटेल आणि आर अश्विन यांनी 114 धावांची भागीदारी करत भारताचा हा डाव सांभाळला. पण अश्विन (37) आणि अक्षर (74) बाद झाल्यानंतर ऑस्ट्रेलियाने भारताला 262 धावांवर सर्वबाद केले आणि 1 धावेची आघाडी घेतली. ऑस्ट्रेलियाकडून नॅथन लायनने सर्वाधिक 5 विकेट्स घेतल्या.

दरम्यान, दुसऱ्या दिवसाखेर ऑस्ट्रेलियाने दुसऱ्या डावात 12 षटकात 1 बाद 61 धावा केल्या आहेत. ट्रेविस हेड 40 चेंडूत 39 धावांवर आणि मार्नस लॅब्युशेन 19 चेंडूत 16 धावांवर नाबाद आहेत. भारताकडून या डावात रविंद्र जडेजाने उस्मान ख्वाजाला 6 धावांवर बाद केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com