Saff Championship: सुनील छेत्री आणि महेश सिंग यांनी केलेल्या गोलच्या जोरावर भारतीय फुटबॉल संघाने सॅफ चॅम्पियनशिप अ गटातील सामन्यात नेपाळचा 2-0 असा पराभव केला.
श्री कांतीरवा स्टेडियमवर खेळल्या गेलेल्या सामन्यात भारताकडून कर्णधार सुनील छेत्री (61वे मिनिट) आणि महेश सिंग (70वे मिनिट) यांनी दोन गोल केले.
कुवेतने नेपाळ आणि पाकिस्तानला पराभूत करुन अ गटात अव्वल स्थान पटकावले, तर भारत आणि कुवेतविरुद्धचे दोन्ही सामने गमावल्यानंतर पाकिस्तानने गुणतालिकेत तळाशी आहे.
दरम्यान, श्री कांतीरवा स्टेडियमवर खेळल्या गेलेल्या सामन्यात भारतीय संघासाठी कर्णधार सुनील छेत्री (61वे मिनिट) आणि महेश सिंग (70वे मिनिट) यांनी गोल केले. पूर्वार्धात नेपाळने (Nepal) गोल करण्याचा प्रयत्न केला मात्र, गुरप्रीत संधूने क्लीन शीट ठेवली.
या विजयासह भारत सॅफ चॅम्पियनशिपच्या अ गटात दुसऱ्या स्थानावर आहे. त्यांचा पुढील सामना मंगळवारी टेबल-टॉपर्स कुवेतशी होईल, जे विशेष निमंत्रणावर चॅम्पियनशिपमध्ये सहभागी होत आहेत.
तसेच, कुवेतने शनिवारी आपल्या दुसऱ्या गट सामन्यात पाकिस्तानचा 4-0 असा धुव्वा उडवत SAFF फुटबॉल चॅम्पियनशिपच्या उपांत्य फेरीतील आपले स्थान जवळपास निश्चित केले.
भारताविरुद्धच्या (India) निराशाजनक पराभवानंतर पाकिस्तानला कामगिरीत सुधारणा करण्याची संधी होती, पण कुवेतच्या वर्चस्वापुढे त्याचा टिकाव लागू शकला नाही.
कुवेतचा हा स्पर्धेतील दुसरा विजय ठरला. अ गटातील त्यांच्या पहिल्या सामन्यात कुवेतने नेपाळचा 3-1 असा पराभव केला. पाकिस्तानचा हा सलग दुसरा पराभव असून त्यांना स्पर्धेतून जवळपास बाहेर काढले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.