Asian Hockey Championship: भारताने पाकिस्तानला दिली मात

आशियाई हॉकी चॅम्पियनशिपमध्ये (Asian Hockey Championship) भारताने (India) कट्टर प्रतिस्पर्धी पाकिस्तानचा (Pakistan) पराभव करत स्पर्धेतील आपला दुसरा विजय नोंदवला. ऑलिम्पिक कांस्यपदक विजेत्या संघाने शेजारील देशाचा 3-1 असा पराभव केला. भारताकडून हरमनप्रीत सिंगने दोन आणि आकाशदीप सिंगने (Akashdeep Singh) एक गोल केला. भारताचा गोलरक्षक सूरज करकरेने शानदार खेळ दाखवत सामन्यात अनेक उत्कृष्ट सेव्ह केले. भारताने स्पर्धेतील आपल्या अभियानाची सुरुवात कोरियाविरुद्ध अनिर्णित राखून केली. यानंतर दुसऱ्या सामन्यात त्याने बांगलादेशचा 9-0 असा पराभव केला.

दरम्यान, भारताला दोन पेनल्टी कॉर्नर मिळाले आणि हरमनप्रीत सिंगने दोन्हीचे गोलमध्ये रुपांतर केले. हरमनप्रीत सिंग पेनल्टी कॉर्नरच्या बाबतीत स्पर्धेत 100 पर्सेंटाइल विक्रमासह खेळत आहे. भारताकडून आकाश दीप सिंगने सामन्यातील एकमेव मैदानी गोल केला. भारताने स्पर्धेतील आपल्या अभियानाची सुरुवात कोरियाविरुद्ध अनिर्णित राखून केली. यानंतर दुसऱ्या सामन्यात त्यांनी बांगलादेशचा 9-0 असा पराभव केला.

पहिल्या दोन क्वार्टरमध्ये भारताचे वर्चस्व होते

पहिल्या दोन क्वार्टरमध्ये भारतीय संघाने पूर्णपणे वर्चस्व गाजवले. पाकिस्तानने बचावात्मक दृष्टिकोन स्वीकारत हरमनप्रीतच्या एका शॉटचा उत्तम बचाव केला होता. पहिल्या दोन क्वार्टरमध्ये पाकिस्तानच्या गोलपोस्टभोवती खेळ झाला. भारतीयांनी आक्रमक पध्दतीचा अवलंब करुन सुरुवातीपासूनच दडपण निर्माण केले होते. परंतु काही संधी निर्माण झाल्या पण उत्कृष्ट बचाव करणाऱ्या पाकिस्तानी गोलरक्षक मजार अब्बासचे कौतुक करावे लागेल. पण आठव्या मिनिटाला हरमनप्रीतने संघाच्या पहिल्या पेनल्टी कॉर्नरला झटका देत भारताने आघाडी घेतली. चार मिनिटांनंतर कर्णधार मनप्रीत सिंगचा वर्तुळाबाहेरचा फटका अब्बासने वाचवला.