IND Vs PAK: पाकिस्तान आणि भारताच्या क्रिकेटर्सची ऑनफिल्ड केमिस्ट्री पाहून आता सगळेच जण आश्चर्यचकित झाले आहेत. एक काळ असा होता की, भारत-पाकिस्तान यांच्यात सामना होत असल्यास खेळाडूंमधील स्लेजिंग सामन्य मानली जायची. परंतु आता दोन्ही संघांच्या खेळाडूंमध्ये एकमेकांबद्दलचा आदर स्पष्टपणे दिसतो. सामन्यानंतर टीम इंडियाचा स्टार क्रिकेटर विराट कोहलीने पाकिस्तानचा वेगवान गोलंदाज हरिस रौफला एक संस्मरणीय भेट दिली आहे. धोनीने स्वाक्षरी केलेली CSK ची जर्सी असणाऱ्या रौफकडे आता विराटने स्वाक्षरी केलेली भारतीय संघाची जर्सी असणार आहे.
दरम्यान, सामन्यानंतर विराटने रौफला ही खास भेट दिली. बीसीसीआय टीव्हीने यासंबंधीचा व्हिडिओ देखील ट्विट केला. हा व्हिडीओ ट्विट करत लिहिले की, 'सामना संपेल, परंतु असे क्षण...'
दुसरीकडे, पाकिस्तानने (Pakistan) भारतापुढे 147 धावांचे लक्ष्य ठेवले होते. त्यानंतर 19.4 षटकांत 5 गड्यांच्या मोबदल्यात 148 धावा करुन भारताने (India) सामना जिंकला. तीन बळी आणि नाबाद 33 धावा करणाऱ्या हार्दिक पांड्याला (Hardik Pandya) सामनावीर म्हणून गौरवण्यात आले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
