IND vs AUS: कसोटीतील शतकांचा दुष्काळ संपवणार विराट, जाणून घ्या नागपुरातील रेकॉर्ड

IND vs AUS: भारताचा माजी कर्णधार विराट कोहली कसोटी शतकाच्या प्रतीक्षेत आहे. वनडे आणि टी-20 मध्ये त्याने अनेक शतके झळकावली आहेत.
Virat Kohli
Virat Kohli Dainik Gomantak

IND vs AUS: भारताचा माजी कर्णधार विराट कोहली कसोटी शतकाच्या प्रतीक्षेत आहे. वनडे आणि टी-20 मध्ये त्याने अनेक शतके झळकावली आहेत, पण कसोटी क्रिकेटमध्ये त्याची प्रतीक्षा अजूनही सुरु आहे.

मात्र, आता ऑस्ट्रेलियाविरुद्ध चार कसोटी सामन्यांची मालिका सुरु होणार आहे, ज्यासाठी विराट कोहली सज्ज झाला आहे. या मालिकेत कोहलीची कसोटी शतकाची प्रतीक्षा संपुष्टात येईल, असे मानले जात आहे.

दरम्यान, पहिल्याच कसोटीत म्हणजे नागपुरातच विराट कोहली (Virat Kohli) शतक झळकावण्याची शक्यता आहे, कारण कोहलीचा नागपुरातील रेकॉर्ड आतापर्यंत खेळलेल्या सर्व कसोटींमध्ये उत्कृष्ट राहिला आहे. समोर ऑस्ट्रेलियासारखा संघ असेल तर. त्यामुळे विराट आणखी धावा करण्याच्या मूडमध्ये आहे.

नागपूरच्या विदर्भ क्रिकेट ग्राउंडवर विराट कोहलीचे आकडे कसे आहेत आणि ऑस्ट्रेलियाविरुद्धच्या कसोटीत तो कसा खेळतो हे जाणून घ्या...

Virat Kohli
IND vs AUS: रोहित-विराटची गळाभेट अन् टीम इंडियाचा नेटमध्ये जोरदार सराव, कसोटीच्या तयारीचा पाहा Video

विराट कोहलीचा नागपुरातील कसोटी विक्रम

विराट कोहलीने 22 नोव्हेंबर 2019 रोजी बांगलादेशविरुद्ध (Bangladesh) शेवटचे कसोटी शतक झळकावले. म्हणजेच, सुमारे साडेतीन वर्षे उलटली. दरम्यान, त्याने एकदिवसीय आणि टी-20 आंतरराष्ट्रीय सामन्यांमध्ये शतके झळकावली, परंतु कसोटीत त्याला शतक मिळाले नाही.

विराटने आतापर्यंत नागपुरात तीन कसोटी सामने खेळले असून त्यात त्याच्या बॅटमधून 354 धावा आल्या आहेत. या मैदानावर त्याची सरासरी 88.50 आहे.

तसेच, या 354 धावांमध्ये दोन शतके झळकावली आहेत, त्यापैकी एकदा त्याने द्विशतकही केले होते. 24 नोव्हेंबर 2017 रोजी श्रीलंकेविरुद्ध या मैदानावर कोहलीने 213 धावांची शानदार खेळी खेळली होती. यानंतर कोहली प्रथमच नागपुरात कसोटी खेळणार आहे.

Virat Kohli
IND vs AUS: टीम इंडियाचं टेंशन झालं कमी, स्टार्कनंतर ऑस्ट्रेलियाचा 'हा' मॅचविनर पहिल्या कसोटीतून बाहेर

विराट कोहलीची ऑस्ट्रेलियाविरुद्ध अशी आहे आकडेवारी

विराट कोहलीने आतापर्यंत ऑस्ट्रेलियाविरुद्ध 20 कसोटी सामने खेळले असून, यामध्ये त्याने 48.06 च्या सरासरीने 1682 धावा केल्या आहेत. विराटने ऑस्ट्रेलियाविरुद्ध सात शतके आणि पाच अर्धशतके झळकावली आहेत.

मात्र, गेल्या वर्षी डिसेंबरमध्ये टीम इंडियाने बांगलादेशचा दौरा केला, तेव्हा कोहलीची बॅट फार काही करु शकली नव्हती. त्याने मालिकेतील पहिल्या सामन्यात 20 तर दुसऱ्या सामन्यात 25 धावा केल्या. पण आता नवीन वर्ष आहे आणि विराट कोहलीनेही गेल्या महिनाभरात जबरदस्त फॉर्म दाखवला आहे. ऑस्ट्रेलियाविरुद्ध विराट कोहलीची बॅट कशी चालते हे पाहणे उत्सुकतेचे ठरणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com