IND vs AUS: भारत आणि ऑस्ट्रेलिया यांच्यातील चार कसोटी सामन्यांच्या मालिकेतील पहिला सामना गुरुवारी नागपुरातील व्हीसीए स्टेडियमवर खेळवला जाणार आहे. या सामन्यात 40 हजारांहून अधिक प्रेक्षक उपस्थित राहणार आहेत.
रोहितच्या नेतृत्वाखाली भारतीय संघ प्रथमच बॉर्डर गावस्कर ट्रॉफी खेळणार आहे. या सामन्याबाबत बरीच चर्चा रंगली आहे.
दोन्ही संघाच्या सुरक्षेसाठी एकूण दोन हजार पोलिस तैनात करण्यात येणार आहेत. बुधवारी एका अधिकाऱ्याने या प्रकरणाची माहिती दिली. दोन्ही संघांच्या सुरक्षेबाबत पुरेपूर काळजी घेतली जात आहे.
अधिकाऱ्याने सांगितले की, संघांच्या हॉटेल्सपासून जामठा येथील विदर्भ क्रिकेट असोसिएशन (व्हीसीए) स्टेडियमपर्यंतच्या मार्गावर क्विक रिअ‍ॅक्शन फोर्स (क्यूआरटी) कर्मचारी तैनात केले जातील.
अधिकाऱ्याने सांगितले की, नागपूरचे पोलिस आयुक्त अमितेश कुमार यांनी क्रिकेट सामन्यासाठी सुरक्षा आणि वाहतूक व्यवस्था तयार करण्यासाठी वरिष्ठ अधिकाऱ्यांसोबत अनेक बैठका घेतल्या.
अधिकाऱ्याने पुढे सांगितले की, "आठ पोलिस उपायुक्त (डीसीपी), 10 सहायक पोलिस आयुक्त (एसीपी), 35 पोलिस निरीक्षक, 138 सहाय्यक पोलिस निरीक्षक (एपीआय) आणि पोलिस उपनिरीक्षक (पीएसआय) यांच्यासह 2000 पोलिस कर्मचारी येथे तैनात केले जातील. सुरक्षा उपायांचा एक भाग म्हणून, सर्व प्रवेश बिंदूंवर 40 हून अधिक मेटल डिटेक्टर आणि डोअर फ्रेम मॉनिटर्स स्थापित केले जातील."
भारत (India) आणि ऑस्ट्रेलिया या दोन्ही संघांसाठी ही मालिका खूप महत्त्वाची आहे. WTC फायनलच्या दृष्टीने ही मालिका जिंकणे दोन्ही संघांसाठी खूप महत्त्वाचे आहे. भारतीय संघाने मागील तीन बॉर्डर गावस्कर ट्रॉफी जिंकल्या आहेत.
त्याचवेळी, भारताने ऑस्ट्रेलियाच्या (Australia) घरच्या मैदानावर यापैकी दोन ट्रॉफी जिंकल्या आहेत. ऑस्ट्रेलियन संघाने 18 वर्षांपासून भारतात एकही मालिका जिंकलेली नाही. अशा स्थितीत कांगारु संघाला या मालिकेत चांगली कामगिरी करायला आवडेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.